Një 21-vjeçar nga Tirana lëvizte me shpejtësi 197 km/h në kushte të lagështirës në rrugë dhe trafikut ende me fluks të madh.
Policia thotë se 21-vjeçari kishte vetëm 7 muaj nga data e pajisjes me patentë.
“Shpejtësi e frikshme e 21-vjeçarit nga Tirana, me 197 km/h mbrëmjen e së shtunës, në kushte të lagështirës në rrugë, trafikut ende me fluks të lartë. 21-vjeçari pa mbushur as 7 muaj nga data e pajisjes me patentë
Shpejtësi që rrezikon seriozisht jo vetëm jetën e drejtuesit të mjetit, por edhe rrezik potencial për jetën e përdoruesve të rrugës”, thuhet në njoftimin e policisë.
Policia ka njoftuar se gjatë 5 orëve kontroll me radar e dragera, janë pezulluar 22 patenta, nga të cilat 10 për shpejtësi e 12 për alkool.
Në pranga kanë rënë 4 shoferë për drejtim mjeti në gjendje të dehur dhe 3 për drejtim mjeti pa Leje Drejtimi.
Në aksin rrugor Sauk-Teg janë evidentuar 10 raste të shpejtësisë mbi normat e lejuara, shpejtësi që varionin 155 km/h deri 197 km/h.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.