.png)
Disa veprime të përditshme në dukje të padëmshme mund të kenë efekte anësore afatgjata negative për lëkurën tonë. Për shembull, ngrënia e mishit të kuq shpesh mund të përshpejtojë procesin e plakjes dhe anashkalimi i kremit kundra diellit kur jeni brenda mund të çojë në pigmentim dhe lëkurë më të vjetër.
Gjithashtu, ka dhe disa gjëra të vogla që bëjmë çdo ditë dhe që mund të jenë sabotim i përpjekjeve tona për ta mbajtur lëkurën më të re.
Ngrënja e çamçakëzit
Mjekët besojnë se çamçakëzi është përgjegjës për rrudhat rreth gojës. Kur përtypim, mund ti përdorim shumë muskujt dhe kjo mund të çojë në rrudha rreth gojës.
Vrapimi
Kur ushtrohen, vrapuesit djegin dhjamin nën shtresat e lëkurës së tyre. Humbja e indit yndyror mund t’i bëjë rrudhat e tyre më të thella. Për më tepër, shumë vrapues kalojnë orë të gjata jashtë pa mbrojtje të duhur nga dielli, duke e ekspozuar lëkurën e tyre ndaj dëmtimeve nga dielli. Nëse jeni një vrapues në natyrë, është më mirë të përdorni krem dielli të papërshkueshëm nga uji, sepse djersa ul më shpejt nivelin e mbrojtjes së kremit.
Shikimi në smartphone
Përdorimi i një smartphoni mund të bëjë që të dukeni para kohe i moshuar. Ekspertët dyshojnë se vështrimi i vazhdueshëm drejt telefonit mund të çojë në më shumë linja në qafë që nuk do të ishin zhvilluar në mungesë të këtij veprimi.
Mospërdorimi i syzeve të diellit
80% e shenjave të dukshme të plakjes, përfshirë rrudhat, shkaktohen nga ekspozimi në diell. Nëse përpiqeni të përqendroheni në ndonjë gjë me një dritë në sytë tuaj, kjo mund të thellojë rrudhat midis vetullave tuaja.
Duke pirë me pipëz
Pirja e pijeve me pipëz mund të jetë shumë e thjesht por mund të shkaktojë krijimin e rrudhave rreth buzëve tuaja. Megjithëse nuk do të ndryshojë ndjeshëm buzët tuaja, njerëzit që janë të prirur të rrudhin buzët duhet të shmangin përdorimin e tyre. Lëvizja e përsëritur e muskujve prish kolagjenin rreth gojës tuaj, duke çuar në më shumë rrudha.
Gjumi në një anë
Disa mënyra si flemë gjumë mund të bëjnë që lëkura të formojë rrudha. Nëse flini në krah ose në bark, fytyra juaj po shtypet në jastëk, duke bërë që lëkura të paloset. Mënyra më e mirë për të shmangur "rrudhat e gjumit" është duke fjetur në shpinë.
Vendosja e një maske gjumi
Lëkura rreth syve tuaj është shumë delikate dhe e prirur për tu dëmtuar. Disa maska gjumi mund ta 'traumatizojnë' atë dhe të shkaktojnë inflamacion, i cili përfundimisht mund të shkaktojë rrudha. Nëse vendosni një maskë gjumi në shtrat, sigurohuni që të jetë e lirë dhe të mos tërheqë ose shtrijë lëkurën.
Vendosja e lenteve të kontaktit
Kur vendosim lente, ne shpesh ngremë vetullat. Kjo lëvizje e përsëritur bën që lëkura në ballin tonë të rrudhet. Ndryshe nga syzet, lentet e kontaktit nuk e mbrojnë lëkurën rreth syve nga rrezet UV, të cilat përfundimisht çojnë në rrudha dhe hollim të lëkurës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
