.png)
Shikoni lart në qiell në momentin e duhur, këtë të shtunë dhe mund të shihni se Venusi dhe Jupiteri do të shëndërrijnë më shumë. Dy nga planetët më të shndritshëm të sistemit diellor do të jenë duke u "prekur".
Venusi dhe Jupiteri do të jenë miliona milje larg njëri-tjetrit, por nga Toka do të duken sikur po përplasen.
Kjo lidhje planetare ndodh çdo vit, por këtë vit ato do të duken shumë më afër se zakonisht.
E njëjta gjë nuk do të ndodhë deri në vitin 2039.
"Është shumë emocionuese për astronomët. Është një mundësi vërtet e shkëlqyer që njerëzit të shikojnë këtë dukuri natyrore," shpjegon shkencëtari Lucie Green në Shoqatën për Astronominë Popullore.
Çfarë është një lidhje planetare?
Një lidhje është kur dy planetë shfaqen afër njëri-tjetrit.
Në ditët deri të shtunën, Venusi dhe Jupiteri janë bashkuar gradualisht në qiell.
Orbita aktuale e planetëve është rreth 430 milionë milje larg njëri-tjetrit. Por, shtrirja e tyre e dukshme nga Toka jep iluzionin se ata janë duke prekur.
Koha më e mirë për të parë do të jetë ora 05:00, duke parë nga lindja para se të lindë Dielli.
"Planetet do të ndryshojnë në shkëlqimin e tyre. Venusi është më i shndritshëm se Jupiteri, kështu që do të duket verbues kur ta shihni. Jupiteri do të jetë pak më i zbehtë", shpjegon Green.
Ajo sugjeron përdorimin e një aplikacioni për t'ju ndihmuar shihni orën fikse.
Nëse keni teleskop, mund të jeni në gjendje të dalloni një strukturë në atmosferën e Jupiterit.
Lidhja mund të shihet nga të dy hemisferat e Tokës, në kohë të ndryshme të ditës dhe natës.
Burimi: BBC/ Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
