.png)
Viti i ri vjen me shumë presion për të ndryshuar. Ju duhet të vendosni qëllime, të vrisni zakone të këqija, të përsosni ato të rejat dhe të bëheni versioni më i mirë i mundshëm i vetes. Ju shikoni mendime të tilla në të gjithë mediat, duke ju bërë të pyesni veten nëse jeni i mirë ashtu siç jeni.
Po, ju jeni të mirë pikërisht ashtu siç jeni. Ju nuk keni nevojë të ndryshoni ose të përmirësoheni nëse nuk dëshironi. Jeni më se i mjaftueshëm duke qenë ai që jeni dhe duke jetuar jetën ashtu si dëshironi ta jetoni.
Megjithatë, nëse doni të reflektoni për të ardhmen dhe të vini në lëvizje disa plane, zgjidhni synimet mbi qëllimet dhe përparimin mbi përsosmërinë. Si? Me këto tre pyetje të thjeshta:
1. Çfarë dua të bëj më shumë?
Si i kaloni ditët tuaja është se si e kaloni jetën tuaj. Prandaj, ju doni të siguroheni që po kaloni kohën tuaj në gjërat e duhura. Kur shikoni dymbëdhjetë muajt e fundit, a keni bërë gjëra që ju kanë pëlqyer? A keni bërë kohë për veten tuaj? A jeni argëtuar? A keni bërë atë që keni dashur të bëni (jo për shkak të asaj që dikush tha se duhet ta bëni, por për shkak se me të vërtetë keni dëshiruar)? Të gjitha këto janë pyetje të mira për t'ju ndihmuar të keni të qartë se çfarë saktësisht dëshironi të bëni më shumë në 12 muajt e ardhshëm.
Për shembull, këtë vit kam shkruar librin tim të tretë dhe e kam dashur. Kështu që vitin e ardhshëm, dua të vazhdoj të shkruaj dhe shpresoj ta shkruaj të katërtin. Unë gjithashtu kam luajtur me skiça dhe poezi dhe më ka pëlqyer. Edhe unë dua të bëj më shumë nga kjo. Sidoqoftë, uroj të kisha mësuar të gatuaj më shumë vakte vegjetariane dhe vegane pasi dua të ushqehem më shëndetshëm. Pra, ky është një synim që po vendos për vitin e ardhshëm. Tani, është radha juaj. Çfarë doni të bëni më shumë?
2. Çfarë dua të bëj më pak?
Kur i ktheni sytë në dymbëdhjetë muajt e fundit, çfarë ju ka mërzitur, zhgënjyer apo ndjerë humbje kohe? Si mund të kaloni më pak kohë duke bërë këto gjëra në dymbëdhjetë muajt e ardhshëm - ose të paktën t'i bëni ato disi më të këndshme ose më të shpejta për t'u bërë?
Për shembull, ndërsa Çovid-19 pushtoi botën në dymbëdhjetë muajt e fundit, ndjeva se kalova shumë kohë në internet. Kështu që, vitin e ardhshëm, unë dua të kaloj më pak kohë në internet dhe veçanërisht në mediat soçiale. Unë gjithashtu dua të kaloj më pak kohë duke u shqetësuar, veçanërisht për atë që të tjerët mendojnë. Po, më lehtë thuhet sesa bëhet. Por, me praktikë, krejtësisht e mundur. Dhe, tani që qëllimi është këtu, unë do të testoj strategji të ndryshme për ta bërë pikërisht atë. Pra, radha juaj. Çfarë doni të bëni më pak?
3. Si dua të ndihem?
Një pyetje kaq e thjeshtë, por harrohet kaq lehtë dhe nuk duhet të jetë kështu. Ne, njerëzit, jemi qenie emoçionale. Ne drejtohemi nga ndjenjat tona dhe prekemi jashtëzakonisht prej tyre. Si ndihemi ndikon në mendjen, trupin dhe shpirtin tonë. Kjo është arsyeja pse është e rëndësishme të merrni kohë për të reflektuar sesi saktësisht dëshironi të ndiheni në vitin që vjen.
Nëse doni të ndiheni të lumtur, ka të bëjë më shumë me të qeshura dhe buzëqeshje, apo me një ndjenjë të qetë kënaqësie? Nëse doni të ndiheni të relaksuar, ka të bëjë me si ndjeheni fizikisht më të lirshëm apo mendërisht më të qëndrueshëm, apo të dyja? Nëse dëshironi të ndiheni të frymëzuar, ka të bëjë me ndjenjën e shtytjes dhe motivimit, apo me energji dhe përqendrim? Çilado qoftë ajo, vendosni qëllimin tuaj për të tani, këtu. Vendosja e këtij qëllimi do t'ju ndihmojë të vini re mundësi që do t'ju ndihmojnë të ndieni më shumë ndjenjën që doni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
