.png)
Gazeta Si – Organizata Botërore e Shëndetësisë ka konfirmuar se Spanja do të mirëpresë anijen turistike MV Hondius në Ishujt Kanarie.
Tre persona, nga një total prej 149 pasagjerësh nga 23 vende të ndryshme, vdiqën nga një shpërthim i dyshuar i hantavirusit, një patogjen i lidhur me infektimin e minjve kryesisht.
Kjo u konfirmua nga Maria Van Kerkhove, drejtoreshë e OBSH-së për Përgatitjen dhe Parandalimin e Epidemive dhe Pandemive.
“Ne po punojmë me autoritetet spanjolle, të cilat kanë deklaruar se do ta mirëpresin anijen, për të kryer një hetim të plotë epidemiologjik, një dezinfektim të plotë të saj dhe natyrisht, për të vlerësuar rrezikun për pasagjerët në bord”, shpjegoi zyrtarja.
“Masa të rrepta paraprake”, përfshirë izolimin e pasagjerëve, janë aktualisht në fuqi në anije, sipas operatorit. Ndërhyrja është pjesë e protokollit të vlerësimit të riskut të Organizatës Botërore të Shëndetësisë (OBSH).
Organizata konfirmoi të dielën se shpërthimi ka prekur të paktën gjashtë persona në bordin e anijes turistike, tre prej të cilëve kanë vdekur dhe tre janë të sëmurë dhe në izolim.
Ky veprim është pjesë e protokollit të vlerësimit të riskut të Organizatës Botërore të Shëndetësisë (OBSH). Organizata konfirmoi të dielën se shpërthimi ka prekur të paktën gjashtë persona në bordin e anijes turistike, tre prej të cilëve kanë vdekur dhe tre janë të sëmurë dhe në izolim.
Sipas Drejtorit të Përgjithshëm të OBSH-së për Evropën, “rreziku për popullatën e përgjithshme mbetet i ulët. Nuk ka nevojë për panik ose kufizime udhëtimi”, tha Hans Kluge në një deklaratë, duke shtuar se infeksionet me hantavirus janë “të rralla dhe zakonisht të lidhura me ekspozimin ndaj brejtësve të infektuar”.
Siç thuhet nga “Oceanwide Expeditions”, kompania e kroçerave që operon MV Hondius, turisti i parë që ka të ngjarë të vuajë nga infeksioni ishte një pasagjer holandez 70-vjeçar.
Ai vdiq në bordin e anijes më 11 prill, i ndjekur brenda disa javësh nga gruaja e tij 69-vjeçare, e cila u sëmur para se të ndërronte jetë në ishullin e Shën Helenës në Atlantikun Jugor, ku kishte zbritur për të ndjekur transportin e trupit të burrit të saj.
Më 2 maj, ishte radha e një shtetasi gjerman, i cili vdiq në anije. Një shtetas britanik 69-vjeçar u pranua në kujdes intensiv në Johannesburg, ndërsa “dy anëtarë të ekuipazhit po përjetojnë simptoma akute të frymëmarrjes, njëri i lehtë dhe tjetri i rëndë”, sipas “Oceanwide”.
Sipas Organizatës Botërore të Shëndetësisë, shpërthimi i dyshuar është shkaktuar nga hantavirusi, i cili përhapet kryesisht kur patogjeni, i pranishëm në jashtëqitjet e minjve, pështymën dhe urinën, përhapet në ajër.
Megjithatë, në raste të rralla, ai mund të transmetohet edhe midis njerëzve. Virusi mund të shkaktojë dy sëmundje: njëra sulmon mushkëritë, tjetra veshkat.
Sipas të dhënave të OBSH-së, e para ka një shkallë vdekshmërie prej 40%. Maria da Luz, presidente e Institutit të Shëndetit Publik të Kepit të Gjelbër, ka ndaluar pasagjerët të zbarkojnë në vendin afrikan për të “mbrojtur popullsinë lokale”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje