.png)
Gazeta Si - Një urdhërarresti ndërkombëtar i lëshuar nga Gjykata Penale Ndërkombëtare në Hagë është prerë ndaj Vladimir Putiit prej më pak se 24 orësh.
Por çfarë ndryshon në fakt për numrin një të Kremlinit? Tani e tutje ai nuk do të jetë në gjendje të udhëtojë në asnjë nga 123 vendet që aderojnë në ICC: për këto shtete, ekziston një detyrim për të arrestuar këdo që mbërrin, me një mandat të ngjashëm.
Ironikisht, megjithatë, Putini mund të udhëtojë në SHBA (Nju Jork) dhe Kiev pa pasur nevojë të shqetësohet për ndalimin dhe dorëzimin në autoritetet publike.
Shtetet e Bashkuara, Kina dhe India (si dhe Rusia), janë në fakt ndër vendet që nuk kanë nënshkruar Statutin e Romës të vitit 2002, dokumenti formal që sanksionoi lindjen e ICC-së.
As Ukraina nuk i përmbahet këtij dokumenti, e cila ka ushtruar dy herë prerogativat e saj për të pranuar juridiksionin e Gjykatës mbi krimet e supozuara sipas Statutit të Romës që kanë ndodhur në territorin e saj që nga viti 2014.
Shtete të tjera që injorojnë juridiksionin e Gjykatës Penale Holandeze, janë Irani dhe Siria. Nga pikëpamja politike, mandati tingëllon si një shuplakë për Putinin, tashmë zyrtarisht i përfshirë në listën e tiranëve dhe krerëve të shteteve dhe qeverive të akuzuar për krime lufte brenda dhe jashtë kufijve të vendeve të tyre.
I njëjti trajtim ishte rezervuar në të kaluarën për libianin Gaddafi dhe sudanezin Bashir: përpara liderit rus, ata ishin dy presidentët e vetëm të shënjestruar nga Gjykata e Hagës.
Në fakt, tani do të jetë e vështirë për numrin një rus të marrë pjesë në ndonjë samit politik.
Ish-prokurorja e Hagës, Carla Del Ponte është e sigurt për këtë. "Duke filluar nga sot, jeta e tij si kryetar shteti bëhet e vështirë. Ai do të pengohet të mbajë çdo samit ndërkombëtar. Është e pamohueshme që kërkesa për arrestimin e tij dëmton në mënyrë të pariparueshme imazhin e tij publik. Sot, në Rusi ai është president, por është e qartë se krimet shumë të rënda që i janë ngarkuar mund të luajnë edhe politikisht ndaj tij”.
Origjina e Gjykatës Ndërkombëtare Penale, daton në fund të Luftës së Dytë Botërore, kur u krijuan gjykatat ushtarake ndërkombëtare, ndër të cilat, para së gjithash, ajo e thirrur për të gjykuar liderët nazistë në Gjyqin e Nurembergut.
Gjykata Ndërkombëtare Penale (me seli në Holandë) me statut "synon të plotësojë, jo të zëvendësojë, sistemet kriminale kombëtare; ajo ndjek penalisht rastet vetëm kur shtetet nuk dëshirojnë ose nuk janë në gjendje ta bëjnë këtë".
Juridiksioni i tij zbatohet veçanërisht për katër krime kryesore. Në radhë të parë, krimi i "gjenocidit", i karakterizuar nga "qëllimi i saktë për të shkatërruar tërësisht ose pjesërisht një grup kombëtar, etnik, racor ose fetar".
Prej këtu rrjedhin “krimet kundër njerëzimit”, ku ndër të tjera përfshihen edhe “deportimi”.
Së treti, "krimet e luftës" dhe, së fundmi, vepra e katërt, pra ajo e "agresionit", që konsiston në "përdorimin e forcës së armatosur nga një shtet kundër sovranitetit, integritetit ose pavarësisë së një shteti tjetër".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
