.png)
Gazeta Si – Dy fjalë, “shteti i 51-të”, dhe menjëherë poshtë, Venezuela e pikturuar me flamurin amerikan. Është provokimi i fundit nga Donald Trump, i cili vazhdon të postojë në “Truth Social” edhe gjatë udhëtimit të tij në Kinë për samitin me Xi Jinping.
Mesazhi u ripostua edhe në platformën “X” nga profili zyrtar i Shtëpisë së Bardhë. Venezuela kështu, “i bashkohet” Kanadasë, Kubës dhe Groenlandës.
Në një intervistë me Fox News, Donald Trump deklaroi se po “po e shqyrton seriozisht bërjen e Venezuelës shtetin e 51-të të SHBA-ve”, pa specifikuar se si.
Presidenti amerikan e ka pasur prej kohësh syrin e tij në shtetin e Amerikës Latine, veçanërisht për shkak të burimeve të tij të naftës.
— The White House (@WhiteHouse) May 12, 2026
Për më tepër, marrëdhëniet midis SHBA-ve dhe Venezuelës janë përkeqësuar me kalimin e kohës, pjesërisht për shkak të akuzave të vazhdueshme për trafik droge nga qeveria e Maduros kundër Shteteve të Bashkuara.
Ky përshkallëzim kulmoi me arrestimin dhe deportimin e ish-presidentit dhe gruas së tij, Cilia Flores më 3 janar, si pjesë e “Operacionit Absolute Resolve”.
Ndërsa zëdhënësja e Shtëpisë së Bardhë, Anna Kelly, nuk pranoi të komentonte mbi deklaratat e presidentit amerikan, duke thënë vetëm se “ai njihet për faktin se nuk e pranon kurrë status quo-në”, presidentja e përkohshme e Venezuelës, Delcy Rodriguez, u përgjigj se vendi i saj “nuk është koloni, por një komb i lirë”.
Rodriguez vazhdoi, “Nëse ne venezuelasit kemi diçka, është se e duam procesin tonë të pavarësisë”, duke theksuar se sovraniteti i vendit të saj u ndërtua “mbi lavdinë e burrave dhe grave që dhanë jetën e tyre”.
Venezuela i bashkohet kështu listës që tashmë përfshin Kanadanë, Groenlandën dhe Kubën. Lidhur me “fqinjin” e saj Kanadanë, Trump i bëri një propozim të famshëm kryeministrit të atëhershëm kanadez, Justin Trudeau gjatë një takimi në Mar-a-Lago në fund të vitit 2024 që ai të bëhej guvernator i vendit të tij, i cili ishte absorbuar nga Shtetet e Bashkuara.
Kjo ide u ndoq, megjithëse me tone shumë më kërcënuese, deri disa muaj më parë, kur ai deklaroi se Kanadaja “ka dyqind vjet histori dhe e gjithë ajo gjë ‘Oh Kanada’ nuk mund të zgjidhet në tre vjet e gjysmë. Nuk e imagjinoj se do të ndodhë”, shpjegoi Trump në Zyrën Ovale.
Duke iu referuar Groenlandës, miliarderi, deri vonë, nxitoi të thoshte: “Do ta marrim me të mirë ose me të keq”, ku “me të mirë”, do të thotë “blerja” e ishullit nga Danimarka, ndërsa “me të keq”, do të thotë përdorimi i forcës.
Arsyeja? Nga njëra anë, argumenti i Trump – se nëse SHBA-të nuk e kontrollojnë ishullin, atëherë “Rusia ose Kina do ta marrin përsipër” dhe nga ana tjetër, burimet e jashtëzakonshme të mineraleve të rralla të ishullit, me një stok të vlerësuar prej 1.5 milionë ton.
Sa i përket Kubës, historia e tensionit të së cilës me SHBA-në është thellësisht e rrënjosur, administrata Trump po rrit presionin mbi qeverinë në Havana, duke rritur frikën se kërcënimet e saj të vazhdueshme për të pushtuar ishullin e Karaibeve mund të bëhen realitet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje