.png)
Donald Trump është bërë tanimë presidenti i pare amerikan që ka shkelur në Korëenë e Veriut, ku edhe mbajti një bisedë prapa dyerve të mbyllura me Kim Jong-un.
Takimi i papritur ndodhi në zonën e çmilitarizuar që ndan dy Koretë dhe erdhi pasi Kim e ftoi Trumpin të kalojë vijën e demarkacionit dhe të hynte në territorin e vendit të tij.
Trump ishte në rajon për samitin e G20-ës në Osaka dhe udhëtoi drejt kufirit mes dy Koreve me udhëheqësin e Koresë së Jugut Moon Jae-in.
Ata priteshin të kishin një takim trepalësh, por Trump dhe Kim u paraqitën në një konferencë shtypi pa presidentin Moon, duke ngritur pyetje nëse lideri i Koresë së Jugut ishte përfshirë në diskutim.
Trump tha se takimi ishte "shumë historik" dhe deklaroi se tanimë ishte i gatshëm të ftonte Kim në Shtëpinë e Bardhë
.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
