.png)
Nga Gazeta ‘Si’- Presidenti Donald Trump thotë se Irani ka rënë dakord të dorëzojë uraniumin e pasuruar, një nga pikat kyçe të mosmarrëveshjes në negociatat për përfundimin e luftës.
Sipas tij, bisedimet mund të rifillojnë që këtë fundjavë, me Uashingtonin dhe Teheranin që ndodhen “shumë pranë” një marrëveshjeje.
Duke folur në një aktivitet në Las Vegas mbi ekonominë amerikane, ai dha një nga vlerësimet më optimiste për luftën që nga fillimi i saj, duke thënë se situata “po shkon shumë mirë” dhe se pritet të përfundojë së shpejti.
Më herët, në Shtëpinë e Bardhë, ai tha se Irani ka rënë dakord të mos sigurojë armë bërthamore dhe të dorëzojë atë që ai e quajti “pluhuri bërthamor”, uraniumin e pasuruar që besohet se është i fshehur nëntokë pas sulmeve ajrore SHBA-Izrael vitin e kaluar.
Duke u shfaqur i bindur për rifillimin e afërt të bisedimeve direkte, Trump tha se nuk ishte i sigurt nëse ishte e nevojshme zgjatja e armëpushimit me Iranin, i cili skadon pas pesë ditësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje