Policia e Elbasanit ka goditur një rast të dhënies ndihmë për kalim të paligjshëm të kufijve, kundrejt fitimit.
Policia thotë se ka vënë në pranga 72-vjeçarin me inicialet B. H., 72 vjeç, banues në Tiranë.
Ai u kap në aksin rrugor Gramsh-Cërrik duke transportuar me mjetin e tij 16 shtetas sirianë e palestinezë, të cilët kishin hyrë ilegalisht në Korçë, nëpërmjet kufirit jeshil nga shteti grek.
72-vjeçari po i transportonte kundrejt fitimit që varionte 450-1000 euro për secilin, për të kaluar kufirin në mënyrë të paligjshme në drejtim të Malit të Zi, me destinacion final një nga vendet e BE-së.
Në cilësinë e provës materiale është sekuestruar mjeti i tij.
Materiale hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.