.png)
Ambasada Amerikane në Tiranë dhe zyra e Bashkimit Europian vazhdojnë fushatën ndërgjegjësuese përmes rrjeteve sociale, duke u kërkuar qytetarëve që të respektojnë masat e karantinimit dhe të qëndrojnë në shtëpi.
“Dështimi nuk na lejohet! Duhet të qëndrojmë të bashkuar dhe të bëjmë pjesën tonë në luftën kundër CoVid-19”, shkroi ambasadorja e SHBA në Tiranë, Yuri Kim.
Kryediplomatja amerikane e postoi këtë shënim teksa shpërndante një video-mesazh të ambasadorit të BE-së në Tiranë, Luigi Soreca. Soreca kërkonte përgjegjshmëri nga qytetarët.
“Të gjithë duhet të kujdesemi për njëri-tjetrin, të sillemi në mënyrë të përgjegjshme, të ndjekim rregullat me rigorozitet, të respektojmë sakrificën e përditshme të mjekëve dhe të policisë shqiptare për të na ruajtur të gjithëve. Le të bëhemi pjesë e zgjidhjes, jo e problemit”, shkruan ambasadori i BE-së.
Mesazhin e shoqëron video ndërgjegjësuese e dy mjekëve, që në duar mbajnë shënimet “Jini të përgjegjëshëm! Qëndroni në shtëpi, sepse ne nuk mundemi!” dhe “Lani duart!”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
