Një tërmet i fuqishëm me magnitudë 6.3 të Shkallës Rihter ka goditur Greqinë ditën e sotme, dhe lëkundjet janë ndier edhe në Shqipëri.
Mësohet se tërmeti 6.3 i shkallës Rihter që ka goditur Larisën ka shkaktuar paslëkundje në jug të Shqipërisë si dhe në kryeqytet. Disa sekonda më vonë është regjistruar një tjetër lëkundje me madhësi 4.6.
Dridhjet e tokës u ndjenë në edhe pjesë të tjera të Greqisë Perëndimore. Sipas autoriteteve, tërmeti kishte një thellësi prej 10 kilometrash.
Mediat greke raportojnë se lëkundjet e forta sollën panik tek qytetarët, të cilët dolën menjëherë në rrugë.
Sipas ERT, një shtëpi në Larisa u shemb pas tërmetit. Një grua arriti të dilte nga rrënojat.
Me sukses zjarrfikësit nxorën nga rrënojat një banor të fshatit Mesohori, Elasona, epiqendra e tërmetit. Ndërkohë, në Larisa 2 burra u hodhën nga kati i parë dhe i dytë për t’i shpëtuar tërmetit dhe ndodhen në spital.
Raportohen për dëme të shumta materiale në shumë shtëpi, kisha dhe shkolla në fshatrat përreth epiqendrës. Helikopter Puma dhe ekipi i Ministrisë së Mbrojtjes Civile po heton situatën në zonën e tërmetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.