.png)
Gazeta Si – Presidentja e Tajvanit, e ka gjykuar lëshimin e raketave nga Kina pranë fluturimeve të ngjeshura ndërkombëtare dhe rrugëve detare rreth ishullit, si "të papërgjegjshëm".
Një lëvizje e paralajmëruar kjo e Pekinit, si pjesë të manovrave ushtarake në përgjigje të vizitës së kryetares së Dhomës së Përfaqësuesve amerikanë,, Nancy Pelosi në Taipei.
Tsai i bëri thirrje Pekinit të veprojë me vetëkontroll më të madh. Sipas saj, Tajvani nuk do të nxisë tensionet, por do të mbrojë sovranitetin: "Ne përpiqemi të ruajmë status quo-në përtej ngushticës me një mendje të hapur për dialog konstruktiv", - shtoi Tsai.
Të enjten, Pekini lëshoi 11 raketa balistike Dongfeng në ujërat rreth Tajvanit dhe gjithsej 22 luftanije kineze kaluan vijën e mesme joformale që ndan ngushticën.
Pas qëndrimit të mbajtur nga G7, Ministria e Jashtme kineze, thirri ambasadorët e vendeve të grupit dhe BE-së për të "shprehur zhgënjimin më të plotë" në komunikatën që kritikonte manovrat ushtarake.
Ndërkohë, Ministria e Mbrojtjes e Taipeit, ka njoftuar se, në ditën e dytë të stërvitjeve, avionët dhe anijet luftarake kineze kanë kaluar "vijën e mesme" të ngushticës së Tajvanit.
Duke filluar nga 11 lokale (5 në Europë), "më shumë avionë luftarakë dhe anije luftarake kineze kryen stërvitje rreth ngushticës së Tajvanit dhe kaluan vijën e mesme të ngushticës", tha ministria, duke e përcaktuar qëndrimin e Pekinit si "shumë provokues".
Manovrat ushtarake kineze krijojnë problemet e para. Kompania “Singapore Airlines”, në fakt ka anuluar fluturimet për dhe nga Tajvani për shkak të "rritjes së kufizimeve të hapësirës ajrore".
“Siguria e stafit dhe pasagjerëve është prioriteti ynë kryesor”, tha zëdhënësi i linjës ajrore.
Ndërkohë, Nancy Pelosi, në Tokio për pjesën e fundit të turneut të saj në Azi, thotë se SHBA "nuk do të lejojë" Kinën të izolojë Tajvanin.
"Ata mund të përpiqen të pengojnë qytetarët tajvanezë që të vizitojnë vende të caktuara dhe të na pengojnë të udhëtojmë atje. Por ne nuk do t'i lejojmë ata të izolojnë Tajvanin", tha kryetarja e Dhomës së SHBA-ve.
Sekretari amerikan i Shtetit, Antony Blinken e përshkroi reagimin e Kinës ndaj vizitës së Pelosit në Tajvan, si "shumë provokues".
Sipas eksponentit të administratës Biden, Pekini është përpjekur të frikësojë jo vetëm Taipein, por edhe fqinjët e tij, pasi ka nisur manovrat më të mëdha ushtarake ndonjëherë në Ngushticën e Formosës, duke synuar të ndryshojë status quo-në. Sipas Bloomberg Blinken, në samitin ku morën pjesë ministrat e Jashtëm kinez dhe rus, Wang Yi dhe Sergei Lavrov, vuri në dukje se vizita e Pelosit ishte paqësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
