Të gjithë deputetët mbërritën më herët në seancën e jashtëzakonshme që pritej të mbahej në Kuvend ku vetëm pas pesë minutash punime u votua në parim projekt-buxheti i vitit 2024 me votat e deputetëve të mazhorancës. Nikolla bëri lapsus kur tha gjatë votimit se buxheti u miratua me 83 vota.
Ishte Kuvendi më pas që e korrigjoi zyrtarisht duke saktësuar se, "të gjitha aktet ligjore në seancën e sotme plenare u votuan me 73 vota pro".
Ndërkohë, deputetët e grupit Bardhi-Berisha leshuan tymuese me shumicë pavarësisht kontrollit më herët të Gardes.
Një moment nga tymueset mori flakë edhe një nga tavolinat e deputetëve të PD-se që u shua nga po këta të fundit.
![](https://gazetasi.al/wp-content/uploads/2023/11/zjarr-nje-kuvendi-825x550.jpg)
![](https://gazetasi.al/wp-content/uploads/2023/11/zjarr-dy-Kuvend-825x550.jpg)
![](https://gazetasi.al/wp-content/uploads/2023/11/PS-Kuvend-votim-825x550.jpg)
Gjithçka nisi para se të fillonte seanca, kur mbërriti kryeministri Edi Rama dhe deputetët e PS-së,
![](https://gazetasi.al/wp-content/uploads/2023/11/zjarri-ne-Kuvend-825x550.jpg)
Herët mbërritën edhe deputetët e Partisë Demokratike të cilët u futën mes tensionesh në sallën e Kuvendit ndërsa efektivët e Gardës ushtruan një kontroll të imtësishëm ndaj tyre në hyrje të Kuvendit.
![](https://gazetasi.al/wp-content/uploads/2023/11/zjarr-Rama-Kuvend-808x550.jpg)
![](https://gazetasi.al/wp-content/uploads/2023/11/zjarr-dy-Rama-Kuvend-711x550.jpg)
![](https://gazetasi.al/wp-content/uploads/2023/11/zjarr-tre-Rama-Kuvend-704x550.jpg)
![](https://gazetasi.al/wp-content/uploads/2023/11/rama-tre-zjarr-kuvend-664x550.jpg)
![](https://gazetasi.al/wp-content/uploads/2023/11/Noka-zjarr-Kuvend-825x550.jpg)
![](https://gazetasi.al/wp-content/uploads/2023/11/Berisha-gardes-751x550.jpg)
![](https://gazetasi.al/wp-content/uploads/2023/11/Berisha-Noka-Kuvend-825x550.jpg)
Gjate kontrollit, deputeti Asllan Dogjani dëgjohej kur kërkonte që deputetëve të mos iu hiqej xhaketa.
![](https://gazetasi.al/wp-content/uploads/2023/11/kontrolle-garda.jpg)
“Mos iu hiqni rripin e pantallonave dhe xhaketat deputetëve. Kur ka vepruar ndonjëherë Parlamenti me 100 gardistë tek dera”, tha Dogjani.
Ndryshe nga deputetët e mazhorancës garda nuk ka ushtruar kontroll ndaj tyre.
“Jo, jo, ty s’të kontrollojnë këta, na kontrollojnë ne këta”, thotë Dogjani.
Ndërkohë Noka ironizoi kontrollin e ushtruar nga Garda kur komentoi:
Kontrolloje këtë! Janë gati për të heq dhe brekët këta…
Më tej, Gazment Bardhi kërkoi praninë e Lindita Nikollës.
![](https://gazetasi.al/wp-content/uploads/2023/11/garda-ne-Kuvend-1-733x550.jpg)
“Ku është ajo mashtruesja që tha s’ka urdhër garde”, tha Bardhi.
Deputetët hynë në sallë ndërsa dukshëm u pa prania e shtuar e Gardës.
“Aksioni do të jetë i fuqishëm dhe ju do të jeni dëshmitar të një aksioni që synon mbrojtjen e të drejtave kushtetuese të popullit opozitar në parlament. Tani ai në këtë mënyrë siç e ka filluar me 10 makina mbrapa, do të përfundojë me një autokolonë, njëlloj si Kim Jong Un, por është i pashpresë. Ju ishit vetë vetë dëshmitarë se si erdhi në parlament”, tha Berisha.
“Aksioni do të jetë i fuqishëm dhe ju do të jeni dëshmitar të një aksioni që synon mbrojtjen e të drejtave kushtetuese të popullit opozitar në parlament. Tani ai në këtë mënyrë siç e ka filluar me 10 makina mbrapa, do të përfundojë me një autokolonë, njëlloj si Kim Jong Un, por është i pashpresë. Ju ishit vetë vetë dëshmitarë se si erdhi në parlament”, tha Berisha.
“Këta gardistë që shihni para meje në këmbë, nja 5 prej tyre kanë Fakultetin Juridik, por as nuk ëndërrojnë kurrë të futen në prokurori apo në gjykatë, ku të lenë Felajt, felë për të tjerët. I marrin të gjitha për vete.
Thoni ju po deshët? Edhe ju keni zgjedhës, më mirë t’i thoni asaj të mos çojë 4 familjarë.
Dhe çfarë familjarësh! Kur burrin e saj e morën peng në Urën Vajgurore, se u premtoi banditëve lirimin nga bashkëshortja, ishte prokurore, shkoi kjo dhe e çliroi.
E di vetë ajo sa pagoi për të liruar burrin. Burri i saj është prokuror në Prokurorinë e Tiranës. Apo jo Pandeli? Folu shqiptarëve Pandeli.
Ja ku erdhi edhe Ulsiu që i ka ditët e numëruara në ministri. Ja ku erdhi badigardi i Edi Ramës. Ik më mirë para se të heqë ai.
![](https://gazetasi.al/wp-content/uploads/2023/11/tym-826x550.jpg)
Taulant Bego Yaris nuk ka ardhur akoma se po merret me biografinë e oficerëve të policisë, ndërkohë që kur në Encrochat, del njeriu më i lidhur me të gjitha bandat”, fliste Berisha nga vendi në një lidhje me faqen e tij në Facebook.
Berisha kishte zënë një nga karriget e deputetëve të PS-së ndërsa këta të fundit qëndronin pas tij në këmbë.
“Opozita së shpejti do të kalojë në një beteje pa kthim”, vijoi ai.
Ndërkohë, Lindita Nikolla filloi seancën që zgjati vetëm 5 minuta.
Deputetët e opozitës ndezën tymyese në momentin kur kryeministri Edi Rama mbërriti brenda në sallën e Kuvendit, për miratimin e projektligjit për buxhetin 2024.
Pas ndezjes së tymueseve, deputeti Flamur Noka është përjashtuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.