.png)
Mazhoranca dhe opozita do të ulen të premten në tryezë për të diskutuar për zgjedhjen e presidentit të ri të vendit, dy ditë para skadimit të afatit për depozitimin emrave për raundin e parë të votimit në Kuvend.
Takimet ndërmjet kryetarëve të grupeve parlamentare do të zhvillohen të ndara.
Në orën 09:00 pritet që të mbahet takimi mes kreut të grupit parlamentar socialist Taulant Balla dhe Mesila Dodës.
Takimi do të vijojë me Fatmir Mediun në orën 10:00 dhe në 11.00 është parashikuar biseda me kreun e grupit parlamentar të PD-së, Enkelejd Alibeaj.
Paraprakisht mësohet se PS-ja mund të shkojë pa emër kandidati në tryezë duke ia lënë opozitës të propozojë e para.
Raundi i parë i votimit quhet i vlefshëm edhe kur gjatë votimit nuk paraqitet asnjë kandidat.
“Votimi i parë zhvillohet jo më vonë se shtatë ditë nga fillimi i procedurës për zgjedhjen e Presidentit.
Secili nga votimet e tjera zhvillohet jo më vonë se shtatë ditë nga përfundimi pa sukses i votimit pararendës.
Votimi quhet i kryer edhe kur në konkurrim nuk paraqitet asnjë kandidat. Në votimin e dytë, të tretë dhe të katërt mund të paraqiten kandidatë të rinj”, thuhet në Kushtetutë.
Te hënën nis raundi i parë i votimit në Kuvend për Presidentin
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
