Dy persona janë arrestuar ditën e sotme në Durrës, pasi drejtonin mjetet në gjendje të dehur.
Policia thotë se të arrestuarit janë M. H., 29 vjeç, banues në Durrës, pasi në rrugën “Aleksandër Goga”, duke drejtuar në gjendje të dehur mjetin tip “Ford”, ka goditur 2 mjete të parkuara duke shkaktuar dëme materiale.
I arrestuari tjetër është shtetasi me inicialet F. K., 59 vjeç, banues në Shijak, në aksin rrugor Durrës-Tiranë, duke drejtuar mjetin tip “Hyundai” në gjendje të dehur, ka humbur kontrollin dhe është përplasur me bordurën anësore të rrugës, ku për pasojë është lënduar pasagjeri në mjet, shtetasi N. G., 60 vjeç, i cili ndodhet në spital, nën kujdesin e mjekëve.
Sipas policisë, materialet i kaluan Prokurorisë së Rrethit Gjyqësor Durrës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.