.png)
Stuhia që goditi Katanian mesditën e të martës për orë të tëra, pati pasoja shumë të rënda në qytetin sicilian: rrugët u përmbytën dhe “Via Etnea” qendrore u shndërruan në lumenj të vërtetë nga përmbytjet, ndërsa “Piazza Duomo”, u shndërrua në një liqen.
Uji gjithashtu u derdh në qytet nga fshatrat e afërta kataneze dhe qendra historike ka mbetur në errësirë për shkak të një ndërprerjeje të energjisë elektrike. Autoritetet italiane raportojnë se një burrë është mbytur nga uji.
Disa rrugë janë mbyllur për qarkullim dhe dhjetëra familje janë evakuuar në Misterbianco për shkak të rrëshqitjeve të ndryshme të dheut. Nuk ka transport as në unazën perëndimore drejt Mesinës, ndërsa drejt Sirakuzës, qarkullimi është ngadalësuar fuqishëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
