.png)
Viruset e rrezikshme mund të mbeten infektive deri në tre ditë, për shkak të plastikës, kanë zbuluar studiuesit.
Viruset enterike që shkaktojnë diarre dhe shqetësime në stomak, si rotavirusi, u zbuluan se mbijetojnë në ujë duke u bashkuar me mikroplastikë.
Ata mbeten infektive, zbuluan studiuesit e Universitetit të Stirling, duke paraqitur një rrezik të mundshëm për shëndetin.
Richard Quilliam, studiuesi kryesor në projektin në Universitetin Stirling, tha se zbuluan që viruset mund të ngjiten në mikroplastikë dhe kjo i lejon ata të mbijetojnë në ujë për tre ditë.
“Ndërsa kërkimet e mëparshme ishin kryer në mjedise sterile, ky është hulumtimi i parë se si sillen viruset në mjedis”, tha Quilliam.
Gjetjet treguan se mikroplastika mundësoi transferimin e patogjenit në mjedis. Punimi është publikuar në revistën mjekësore “Environmental Pollution”.
Impiantet e trajtimit të ujërave të zeza nuk ishin në gjendje të kapnin mikroplastikë, tha ai.
Studiuesit testuan dy lloje virusesh – ato me një mbështjellës rreth tyre, “një lloj veshjeje lipidike”, siç është virusi i gripit dhe ato pa – viruse enterike si rotavirus dhe norovirus.
Ata zbuluan se në ato me një shtresë, zarfi u tret shpejt dhe virusi u zhduk, ndërsa ata pa zarf u lidhën me mikroplastikën dhe mbijetuan.
"Viruset gjithashtu mund të lidhen me sipërfaqet natyrore në mjedis, por ndotja plastike zgjat shumë më gjatë se ajo minerale", tha Quilliam.
Studiuesit testuan viruset për tre ditë, por synojnë të studiojnë se sa gjatë mund të mbeten infektues në kërkimet e ardhshme.
Një tjetër studim nga ekipi i Quilliam muajin e kaluar zbuloi se, nivelet e baktereve fekale në pecetat e lagura dhe tamponët e pambukëve në plazhe përbënin një rrezik për shëndetin.
Ata gjetën për herë të parë bakteret e ujërave të zeza të ngjitura në plastike në plazhet skoceze, gjatë vitit 2019.
Burimi: The Guardian/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
