.png)
Astronautët humbasin masën kockore nga udhëtimi në hapësirë, të cilën shumë nuk e rikuperojnë as pas një viti më pas në Tokë. Sipas studiuesve gjetjet janë një "shqetësim i madh" për misionet e ardhshme në Mars.
Hulumtimet e mëparshme kanë treguar se astronautët humbasin midis 1% dhe 2% të densitetit të kockave për çdo muaj të kaluar në hapësirë. Kjo pasi mungesa e gravitetit ul presionin nga këmbët e tyre, kur bëhet fjalë për qëndrimin dhe ecjen.
Për të zbuluar se si astronautët shërohen pasi këmbët e tyre të kthehen në tokë, një studim i ri skanoi kyçet e duarve dhe këmbëve e të 17 astronautëve para, gjatë dhe pas qëndrimit në Stacionin Ndërkombëtar të Hapësirës (ISS).
"Dendësia e kockave e humbur nga astronautët ishte e barabartë me atë se sa do të humbnin në disa dekada nëse do të ktheheshin në Tokë", tha bashkëautori i studimit Steven Boyd, nga Universiteti kanadez i Calgary.
Studiuesit zbuluan se dendësia e kockave të këmbës së nëntë prej astronautëve nuk ishte rikuperuar plotësisht pas një viti në Tokë.
Astronautët që shkuan në misionet më të gjata, të cilat varionin nga katër deri në shtatë muaj në ISS, ishin më të ngadaltë për t'u rikuperuar.
“Sa më shumë të shpenzoni në hapësirë, aq më shumë kocka humbisni", tha Boyd.
Boyd tha se ishte një "shqetësim i madh" për misionet e ardhshme të planifikuara në Mars, të cilat mund të shohin astronautët të kalojnë vite në hapësirë.
Burimi:The Guardian/Përshtati:Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
