.png)
Rreth 2.8 milionë njerëz në mbarë botën jetojnë me sëmundjen neurodegjenerative, sklerozën e shumëfishtë (MS). Edhe pse aktualisht nuk ka kurë për gjendjen, ka medikamente në dispozicion për të ndihmuar në ngadalësimin e përparimit të saj.
Një ekip studiuesish nga Instituti Karolinska dhe Spitali Danderyd në Suedi, po kërkon të shtojë listën e terapive aktualisht të disponueshme përmes një prove klinike të fazës 3, për ilaçin rituximab.
Sipas rezultateve të provës, rituximab ndihmoi në uljen e rrezikut të rikthimit të simptomave tek pacientët me MS krahasuar me pacientët që merrnin ilaçin standard të trajtimit dimetil fjumarat.
Studimi u shfaq së fundmi në revistën “Lancet”.
Çfarë janë rikthimet e MS?
MS ndikon në sistemin nervor qendror të një personi, duke përfshirë trurin dhe palcën kurrizore. Gjendja dëmton një substancë të quajtur myelin, e cila mbron nervat e trupit.
Ekzistojnë katër lloje kryesore të MS.
MS rikthim-remitente (RRMS) është lloji më i zakonshëm, që prek rreth 85% të atyre që janë diagnostikuar me sëmundjen.
Pacientët me RRMS përjetojnë sulme inflamatore, të quajtura gjithashtu relapsa, në mielinë rreth nervave të tyre. Këto rikthime shkaktojnë simptoma të reja ose të shtuara. Çdo rikthim pasohet nga një periudhë kohore e rikuperimit të pjesshëm ose të plotë.
Përveç simptomave të reja ose të shtuara të MS, hulumtimet tregojnë se RRMS mund të shkaktojë probleme të tjera, duke përfshirë atrofi e trurit, stresi i shtuar dhe ulje të vetëvlerësimit.
Sipas Anders Svenningsson , profesor ndihmës në Departamentin e Shkencave Klinike, Spitali Danderyd, rikthimet e MS përfaqësojnë "majën e ajsbergut".
"Duke parandaluar rikthimet në një shkallë të lartë, ne do t'i ndihmojmë pacientët me MS të jetojnë një jetë sa më normale të jetë e mundur dhe me gjasa të larta të minimizojnë rrezikun për përparimin afatgjatë të sëmundjes," i tha ai.
Krahasimi i opsioneve të trajtimit të rikthimit të simptomave të MS.
Aktualisht ekzistojnë një sërë ilaçesh të sigurta dhe efektive për trajtimin e MS. Këto përfshijnë barna të injektueshme, të tilla si ofatumumab (Kesimpta), barna orale, si dimetil fumarate (Tecfidera) dhe barna të dhëna përmes infuzionit, si ocrelizumab (Ocrevus).
Sipas Svenningsson, rituximab, një ilaç i zhvilluar fillimisht për të trajtuar limfomën po përdoret gjithnjë e më shumë si një trajtim për MS në Suedi.
"Ne e pamë potencialin e rituximab si një terapi efektive dhe të lirë dhe donim të mblidhnim provat për efikasitetin e tij. Më pas ne donim ta krahasonim atë me një nga terapitë më efektive të linjës së parë për ta pozicionuar rituximab si një terapi efektive të linjës së parë në MS," shpjegoi ai.
Për këtë provë klinike të fazës 3, Svenningsson dhe ekipi i tij krahasuan përdorimin e rituximab (MabThera) me dimetil fumaratin ( Tecfidera ) tek 195 pacientë të sapo diagnostikuar me RRMS.
Studiuesit zbuluan se pacientët e trajtuar me rituximab kishin pesë herë më pak gjasa të kishin një rikthim të simptomave të rënda në krahasim me pacientët e trajtuar me dimetil fumarat.
Svenningsson tha se rituximab është një terapi efektive për uljen e rrezikut të rikthimit në pacientët me MS sepse ndihmon në eliminimin e limfociteve-B në gjak. Kjo ndërhyn në aktivizimin e sistemit imunitar në një mënyrë që ai të mos sulmojë indin e vet.
Svenningsson shton se një përfitim tjetër i rituximab është se trajtimi administrohet në intervale të gjata. Gjatë provës klinike të fazës 3, pacientët morën infuzione rituximab çdo 6 muaj.
Burimi: Medical News Today/Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
