.png)
Është një nga stadiumet më mitik në botë, ku kanë luajtur Pele dhe Maradona. Impianti Asteka në Meksikë nuk është në ditët e tij më të lavdishme. Vendi ku është luajtur, aq që është quajtur si finalja e shekullit, (Itali 4 - 3 Gjermani Perëndimore), është në gjendjen e tij më të keqe në histori. Raporti vjen nga mediat vendase, të cilat spunton e kanë marrë nga anulimi i një ndeshje të futbollit amerikan mes Los Angeles Rams dhe Kansas City Chief. Ndeshja nuk u luajt në këtë stadium për shkak të kushteve të mjerueshme të tij, shkruhet në raportet e medieve meksikane.
Në Asteka do të luhen ndeshje të kampionatit botëror 2026, që do organizohet nga SHBA-të, Kanadaja dhe Meksika. Por gjendja aktuale e këtij stadiumi nuk është e pranueshme as edhe për një ndeshje të kampionatit vendas.
Së pari fusha e Asteka është jashtë çdo parametri ku mund të luhet futboll në nivele mesatare. Ajo është e dëmtuar dhe në disa pjesë është vetëm e zezë dhe bari është zhdukur totalisht. Por edhe ambientet e brendshme të këtij stadiumi janë në gjendje të rrënuar dhe të papranueshme për emrin e madh që mban ky stadium. Sipas atyre që shkruajnë mediet e huaja një pjesë të madhe të fajit për këtë rrënim të stadiumit Asteka është edhe i koncerteve të shumta që aty janë mbajtur.
Asteka është nga të parët stadiume në botë që ka pritur një finale botërori e cila është ndjekur nga më shumë se 100 mijë spektatorë. Gjatë dy rikonstruksioneve që i janë bërë këtij impianti kapaciteti i tij është ulur në 85 mijë spektatorë. Besohet se në rikonstruksionin që do të fillojë vitin e ardhshëm për ta bërë gati për kampionatin botëror të vitit 2026, kapaciteti i Asteka do ulet në 80 mijë vende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
