Coca-Cola ka bllokuar një reklamë me influenceren Chiara Ferragni pas skandalit të saj me kompaninë e panetoneve.
Reklama supozohej të dilte në transmetim nga fundi i janarit, pak para hapjes së festivalit vjetor Sanremo, por Coca-Cola ka njoftuar se reklama që nuk do të përdoret.
"Ne kemi punuar me Chiarën në Itali në 2023, duke përfshirë disa xhirime të bëra në dhjetorin e kaluar. Tani për tani ne nuk planifikojmë ta përdorim këtë përmbajtje", shkruhet në një deklaratë.
Ferragni ende nuk ka bërë asnjë deklaratë lidhur me këtë lajm.
Para Krishtlindjeve, edhe kompania italiane e syzeve Safilo njoftoi përfundimin e marrëveshjes me Ferragnin.
Njoftimi erdhi menjëherë pasi autoriteti antitrust i Italisë tha se kishte lëshuar gjoba prej mbi një milion euro për kompanitë e lidhura me Ferragnin dhe 420,000 euro për kompaninë italiane të ëmbëlsirave Balocco për praktikë të padrejtë tregtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.