Disa orë nga zbulimi i skandalit të radhës seksual në Shqipëri, ku implikohej shefi i policisë së Malësisë së Madhe, Berhan Bajrakurti, për ngjarjen ka reaguar edhe ministri i Brendshëm, Sandër Lleshaj.
Duke iu referuar ngjarjes, ku polici ngacmonte seksualisht edhe duke i dërguar video të organit gjenital një vajze 15-vjeçare, Lleshaj thotë se ai nuk identifikohet me të tillë efektivë.
“Policët nuk janë të Lleshajt, por të Shqipërisë. Lleshaj identifikohet pa dyshim me policët që sot arrestuan një pervers, me policët që sakrifikojnë natë e ditë duke shërbyer”, shkruan ministri i Brendshëm në Tëitter.
Lleshaj nuk ka nguruar të bëjë edhe një sulm politik për ata që e përdorën ngjarjen e Shkodrës sipas tij, duke i quajtur perversë.
“Një pervers mund të shërbejë si flamur për politikanë perversë, por nuk mund të njollosë askënd përveç vetes së tij dhe atyre që i gëzohen ekzistencës së tij. Mbështetje për Policinë e Shtetit Shqiptar!”, shprehet Lleshaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.