.png)
TikTok ka veçoritë më të plota të sigurisë për adoleshentët. Për të mbrojtur sa më shumë adoleshentët dhe fëmijët, prindërit mund të sigurohen që fëmijët të mos gënjejnë për moshën e tyre.
Ajo që prindërit duhet të dinë është që nuk ka një mënyrë për ti mbrojtur fëmijët plotësisht nga rreziku i mundshëm në mediat sociale.
Mund të përdorni kontrollet e platformës, Apple Family Sharing për iPhone, Google Family Link për Android dhe Chromebook, për të vendosur kufizime se cilat aplikacione mund të shkarkojnë fëmijët tuaj dhe sa kohë mund të shpenzojnë për to. Por këto mjete nuk ju lejojnë të menaxhoni atë që fëmijët shohin në ato aplikacione ose t'i pengojnë ata të komunikojnë me të huajt.
Së pari, dy gjëra janë të rëndësishme për këdo që dëshiron të mbrojë fëmijët në rrjetet sociale:
Mos gënjeni për moshën e fëmijëve tuaj kur i regjistroni në aplikacione dhe mos i lejoni as fëmijët ta bëjnë këtë. Të katër aplikacionet përmbajnë cilësime të paracaktuara që ofrojnë mbrojtje bazuar në moshën e deklaruar të përdoruesit. Nëse fëmija juaj tashmë ka një llogari me një moshë të rreme, ju mund të futeni dhe ta ndryshoni këtë por mos harroni se edhe fëmijët mund ta ndryshojnë kurdo këtë.
Bëni biseda të vazhdueshme me fëmijët tuaj për sigurinë në internet. Kontrollet prindërore nuk janë perfekte dhe fëmijët mund të gjejnë mënyra për t'i shmangur ato.
Me këtë në mendje, ja çfarë duhet të dini për kontrollet prindërore të mediave sociale dhe si t'i përdorni ato:
YouTube
Aplikacioni YouTube Kids ka një sërë pikash që duhet ti plotësojnë fëmijët por shpesh herë ato mund të tejkalohen, kështu që YouTube zhvilloi llogari të mbikëqyrura për fëmijët nën 13 vjeç në SHBA.
YouTube i bën ngarkimet e videove private si parazgjedhje për llogaritë e krijuara nga të miturit, kështu që videot e tyre mund të shihen vetëm përmes lidhjes direkte.
Prindërit në iOS ose Android mund t'i japin fëmijës së tyre një llogari të mbikëqyrur për shikim në YouTube. Gjithashtu mund të shkarkojnë aplikacionin Family Link të Google, i cili të lejon të caktosh kufijtë e kohës para ekranit në YouTube dhe aplikacione të tjera në pajisjet Android dhe Chrome si dhe të menaxhojnë aktivitete të tjera.
Llogaritë e mbikëqyrura të YouTube ofrojnë tre cilësime të ndryshme të përmbajtjes: Njëra u lejon fëmijëve të shikojnë kanale të miratuara për shikuesit 9 vjeç e lart, pa transmetime të drejtpërdrejta. E dyta jep qasje në kanalet që konsiderohen në rregull për fëmijët 13 vjeç e lart, duke përfshirë transmetimet e drejtpërdrejta. Dhe opsioni i tretë i lejon ata të shikojnë çdo gjë që nuk është etiketuar 18+. Prindërit mund të bllokojnë gjithashtu kanale specifike në llogaritë e mbikëqyrura.
Tik Tok
Pavarësisht shqetësimeve rreth ndikimit të TikTok tek adoleshentët, aplikacioni i ndarjes së videove ofron disa nga veçoritë më gjithëpërfshirëse të sigurisë, sipas disa ekspertëve të sigurisë.
Për adoleshentët e moshës 13 deri në 15 vjeç, llogaritë caktohen automatikisht në private, që do të thotë se askush nuk mund t'i shohë videot e tyre. Adoleshentët më të vegjël mund ta ndryshojnë llogarinë e tyre në publike, por videot e tyre do t'u shfaqen vetëm miqve (njerëzve që ndjekin dhe që i ndjekin). TikTok thotë se nuk do t'u sugjerojë përdoruesve të tjerë llogaritë e moshave 13 deri në 17 vjeç, përveç nëse ata zgjedhin ta mundësojnë këtë.
Mesazhet nuk ofrohen për adoleshentët e moshës 13 deri në 15 vjeç dhe nuk është gjithashtu i disponueshëm si parazgjedhje për 16 dhe 17-vjeçarët, por ata mund të ndryshojnë cilësimin për të lejuar mesazhe me miqtë. Adoleshentët 13 deri në 15 vjeç nuk marrin njoftime nga aplikacioni pas orës 21:00, dhe ata 16 deri në 17 vjeç nuk marrin njoftime pas orës 22:00.
Cilësimet shtesë të paracaktuara u lejojnë prindërve të përcaktojnë se me kë mund të ndërveprojnë dhe komentojnë fëmijët e tyre.
TikTok gjithashtu lejon që fëmijët nën 13 vjeç të jenë në aplikacion, por në një mjedis më të kontrolluar, me video të kuruara për një audiencë të re. Këta fëmijë nuk mund të ngarkojnë video, të komentojnë videot e të tjerëve, t'u dërgojnë mesazh përdoruesve të tjerë ose të kenë ndjekës.
Me një llogari TikTok, prindërit mund të përdorin veçorinë e çiftimit familjar të TikTok për të kufizuar kohën që adoleshentët e tyre kalojnë në TikTok, për të kufizuar përmbajtjen e papërshtatshme për moshën dhe për të vendosur kufizime për mesazhet.
Prindërit mund të përcaktojnë gjithashtu nëse llogaria e adoleshentit të tyre është private apo publike, nëse llogaria e adoleshentit mund t'u rekomandohet të tjerëve dhe kush mund të komentojë videot e një adoleshenti. Cilësimet janë të siguruara me kod, kështu që adoleshentët nuk mund t'i ndryshojnë ato.
Edhe pa aktivizuar “Çiftimin Familjar”, prindërit mund t'i ndihmojnë adoleshentët të vendosin kufijtë e kohës para ekranit dhe të kufizojnë përmbajtjen, megjithëse përdoruesit mund t'i ndryshojnë ato cilësime.
Instagram shtoi kontrollet prindërore në aplikacionin e ndarjes së fotove dhe videove për herë të parë muajin e kaluar.
Për adoleshentët nën 16 vjeç, llogaritë janë automatikisht private. Kur të miturit fillimisht bashkohen, llogaria e tyre nuk i lejon njerëzit që nuk ndjekin t'i etiketojnë ose t'i përmendin në postime. Përdoruesit mbi 21 vjeç nuk mund t'u dërgojnë mesazhe të miturve që nuk i ndjekin. Instagram ofron njoftime sigurie për adoleshentët që të jenë të kujdesshëm në bisedat me të rriturit që shfaqin sjellje të dyshimta, të tilla si përpjekja për të dërguar një numër të madh kërkesash për miqësi ose mesazhe për njerëzit nën 18 vjeç.
Instagram tani u mundëson prindërve të shohin se sa kohë kalojnë adoleshentët e tyre në Instagram dhe të vendosin kufij kohorë. Prindërit mund të shohin gjithashtu se kë ndjekin adoleshentët e tyre dhe kush i ndjekin adoleshentët e tyre. Në mënyrë që këto të hyjnë në fuqi, adoleshentët duhet t'u japin prindërve akses nëpërmjet aplikacionit.
Çfarë mungon: Një mënyrë që prindërit të kufizojnë llojet e përmbajtjeve që
Snapchat
Snapchat është i vetmi nga aplikacionet e mëdha të mediave sociale që nuk ka ende kontroll prindëror. Megjithatë, cilësimet e paracaktuara specifike për moshën mund të ndihmojnë në mbrojtjen e fëmijëve, për sa kohë që fëmijët i përdorin ato.
Në mënyrë që dy persona të fillojnë të komunikojnë, ata duhet të jenë miq në aplikacion. Aplikacioni nuk i lejon të miturit të shfaqen si sugjerim miqsh për të tjerët, ose të shfaqen në një kërkim, përveç nëse kanë miq të përbashkët.
Shumë prindër janë të shqetësuar për Snap Map që tregon vendndodhjen e njerëzve, por përdoruesit duhet të zgjedhin të ndajnë vendndodhjen e tyre. Nëse e bëjnë këtë, adoleshentët mund të ndajnë vendndodhjen e tyre vetëm me miqtë. Historitë që ndajnë të miturit janë caktuar vetëm për t'u ndarë me miqtë. Askush nën moshën 18 vjeç nuk mund të krijojë një profil publik. Ju gjithashtu nuk mund të shihni listat e miqve të njerëzve.
Për momentin, aplikacioni nuk ka asnjë mënyrë që prindërit të shohin miqtë e fëmijëve të tyre në Snapchat.
Burimi: Wall Street Journal. Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
