.png)
Nga Gazeta ‘SI’ - Më shumë se 21 mijë mjete u regjistruan për herë të parë në Shqipëri, vetëm për tre muajt e parë të vitit 2024, duke e çuar në 880.153 numrin e mjeteve aktive në vend.
Më shumë se gjysma e tyre janë prodhim 9-15 vjeçar dhe rreth 12% deri në 4 vite. Tranzicioni i mjeteve të qarkullimit në vend, ka qenë i shpejtë, ku në pak vite, ato të vjetra, +10 vite prodhim janë reduktuar në masë. Paralelisht, mjetet e reja, 0-4 vite prodhimi vetëm shtohen.
LEXO EDHE:
Pse shqiptarët po blejnë makina më të lira nga Koreja e Jugut
Volkswagen, Mercedez Benz dhe Audi mbeten mjetet më të preferuara për shqiptarët, duke zënë më shumë se 50% të regjistrimeve të reja.
Origjina e këtyre mjeteve është Gjermania, Italia dhe Koreja e Jugut, e cila po konkurron fort tregun e importit të makinave dhe nga ku erdhën mbi 3.400 makina.
Shifrat tregojnë se qarkullimi “green” është ende larg. Mjetet e reja që hynë në Shqipëri janë me naftë, benzinë apo gaz në masën më të madhe. Vetëm 632 janë elektrike. Gjithsesi rritja është e dukshme nga një vit më parë.
Sipas të dhënave të DPSHTRR-së, rreth 18 mijë nga këto mjete janë makina, pjesa tjetër motorë, kamionë, mjete të mëdha transporti etj.
Pothuajse 9 mijë i përkasin qytetit të Tiranës dhe 3.3 mijë Durrësit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
