.png)
Shqipëria rinis blerjen energjisë elektrike me çmim të trefishuar nga periudhat e kaluara.
Gjatë muajit shtator, Furnizuesi i Tregut të Lirë ka realizuar 2 procedura blerjesh të energjisë elektrike, ku në njërën prej tyre është paguar 185.87 euro/ MWh. Në total, në 2 procedurat e blerjes së energjisë janë shpenzuar 11.79 mln euro, për sasi energjie që do të duhet të konsumohet deri në datën 19 shtator.
Në krahasim me shtatorin e vitit të kaluar, çmimi është tre herë më shumë pasi në të njëjtën periudhë të një viti më parë energjia u ble me një çmim prej rreth 68 euro/MWh. Ndërkohë që, gjatë procedurave të blerjes së energjisë në muajin gusht çmimi me të cilin u sigurua energjia kapi vlerat e rreth 160 euro/ MWh, ndërsa për korrikun çmimi mesatar me të cilin u sigurua energjia ishte 106 euro/MWh. Aktiviteti i blerjes së energjisë në Shqipëri u rikthye përsëri me ardhjen e verës dhe mungesën e rreshjeve të shiut, por ndryshe nga vitet e kaluar, çmim është disa fish më i lartë.
Paralelisht, bursa e energjisë që parashikohet të sjellë çmime më të ulta nuk është ende funksionale. Aktualisht, ngritja e platformës Tenderi për ngritjen e Platformës Elektronike të Tregtimit për Tregun e Ditës në Avancë dhe atë Brenda Ditës është ende në fazë tenderimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
