.png)
Një shpërthim i fuqishëm ka ndodhur mëngjesin e sotëm në një fast-food në zonën e Yzberishtit në kryeqytet, ku për pasojë kanë mbetur të plagosur tre persona.
Policia thotë se ngjarja ka ndodhur rreth orës 07:25 të mëngjesit në rrugën “3 Dëshmorët” dhe biznesi ndodhej në katin e parë të një pallati.
Siç njofton policia, në këtë fast-food ka shpërthyer një bombol gazi ku si pasojë është lënduar lehtë shtetasja K. S, bashkëpronarja e biznesit, si dhe dy punonjëset A. M dhe M. P.
Shpërthimi ka qenë i forte, duke shkaktuar dëme të mëdha në biznes.
Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
