Një ngjarje e rëndë ndodhi në orët e para të mëngjesit në fshatin Shkjezë të Bashkisë së Vaut të Dejës. Një 27-vjecar, i identifikuar si Gjin Ndoji, u gjet i vrarë me arme zjarri në anë të rrugës automobilistike.
Sipas të dhënave policore i riu është banor i lagjes “1 maji” në qytetin e Shkodrës. Të dhënat paraprake flasin se Ndoji është qëlluar me një plumb në kokë, çka ngre dyshime për një ekzekutim. Pranë trupit u gjet edhe një autoveturë tip BMW, që mendohet se është e viktimës.
Për momentin Policia nuk ka asnjë version në lidhje me këtë ngjarje, ku humbi jetën 27-vjeçari që njihet për precedentë penalë në fushën e krimeve kundër personit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.