.png)
Zhvillimi i një aplikacioni të ri premton të njohë shenjat e hershme të zhvillimit të mundshëm të Alzheimerit.
Sot, nuk ka një kurë përfundimtare për sëmundjen e Alzheimerit, por një diagnozë e hershme mund të ngadalësojë përkeqësimin e gjendjes klinike dhe të përmirësojë cilësinë e jetës së të prekurve dhe atyre që i rrethojnë.
Aplikacioni i zhvilluar nga një grup studiuesish nga Universiteti i San Diegos, Kaliforni, të udhëhequr nga Edward Wang, që njeh shenjat e hershme falë telefonit inteligjent Pixel 4 të aftë për të "lexuar" parametrat okularë dhe mënyrën se si ato reagojnë ndaj disa stimujve të jashtëm.
Në praktikë, kamera do të jetë në gjendje të ekzaminojë bebëzën e syrit të pacientëve.
Teknologjia do të kursente gjithashtu shuma të mëdha parash të nevojshme për testimin laboratorik dhe analizat e sakta.
Rëndësia e një diagnoze të hershme, pra, përmirëson shumë rënien njohëse dhe terapitë janë më efektive.
Në fakt, disa teste të kryera te pacientët e monitoruar për një periudhë të gjatë tregojnë se fillimi i trajtimit me "frenuesit e kolinesterazës" (ChEIs) në kohën e duhur " ul në mënyrë drastike normat e shtrimit në shtëpitë e të moshuarve dhe ul ndjeshëm dëmtimet njohëse dhe funksionale ", thonë ekspertët.
Nëse sëmundja është e lehtë, do të nevojiten sasi të ulëta barnash të cilat gjithashtu do të reduktonin efektet anësore.
Siç shpjegoi Wang, aplikacioni duhet të zhvillohet ende dhe do të duhet mjaft kohë që të vihet në përdorim.
Alzheimer u diagnostikua për herë të parë më shumë se 100 vjet më parë, në vitin 1906, nga psikiatri dhe neuropatologu gjerman Alois Alzheimer. Ky çrregullim përfaqëson llojin më të shpeshtë të demencës në botë. Simptomat janë të ndryshme dhe variojnë nga humbja e kujtesës tek vështirësia në përqendrim dhe gjykimin e situatave, në raste të rënda, probleme me komunikimin.
Burimi: Il Giornale/ Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
