.png)
Deri kohët e fundit, të gjitha rastet e kancerit të mëlçisë tek fëmijët klasifikoheshin ose si lloji më i zakonshëm i karcinomës hepatocelulare (HCC) ose si tumori më i rrallë i qelizave të mëlçisë i quajtur hepatoblastoma (HB), thonë studiuesit nga Kolegji i Mjekësisë Baylor në SHBA.
Ata thonë se rezultatet dhe opsionet e trajtimit të HB dhe HCC ndryshojnë, me shumicën e HB-ve që kanë rezultate të favorshme pas trajtimit me kimioterapi.
Ndërsa klasifikimi i rasteve të kancerit pediatrikë mund të përmirësojë përzgjedhjen e terapisë dhe rezultatet e trajtimit për pacientët, studiuesit thonë se kjo mund të jetë veçanërisht sfiduese për tumoret që tregojnë karakteristika të përziera të HB dhe HCC.
Në studimin e ri të publikuar së fundmi në “Journal of Hepatology” , shkencëtarët përdorën teknika të analizës molekulare për të vlerësuar profilet e tumorit të pacientëve. Ata gjetën raste që nuk i përkasin hepatoblastomës (HB) ose karcinomës hepatoqelizore (HCC).
“Studimi ynë tregoi se tiparet histologjike të parë në HBC janë të lidhura me karakteristikat molekulare të kombinuara të HB dhe HCC. Kjo sjell idenë se po zhvillohet një lloj i ri kanceri”, shkruan studiuesit në studim.
HBC, sipas studiuesve, priren të jenë më rezistente ndaj kimioterapisë standarde dhe gjithashtu kanë rezultate të dobëta edhe kur hiqet tumori me kirurgji.
Shkencëtarët propozojnë në studim një metodë të re për të shtresuar HBC-të që mund të ndihmojnë në zhvillimin e trajtimit të specializuar.
"Gjetjet tona theksojnë rëndësinë e testimit molekular për të klasifikuar me saktësi këto tumore për të optimizuar rekomandimet e trajtimit në kohën e diagnozës fillestare," tha në një deklaratë Dolores Lopez-Terrada, autorja përkatëse e punimit nga Kolegji i Mjekësisë Baylor.
Gjetjet, thonë studiuesit, theksojnë rëndësinë e testimit molekular dhe ndërhyrjes së hershme terapeutike për diagnostikimin dhe trajtimin e këtyre rasteve.
Burimi: The Independent/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
