Shembulli që Shqipëria i dha SHBA-ve dhe botës

Shqipëria mund të jetë një ndër anëtaret më të reja të Organizatës së Traktatit të Atlantikut të Veriut (NATO), por ajo ka dhënë një shembull që duhet ta ndjekin të gjithë.

Vendimi i fundit i Qeverisë për të ndërprerë marrëdhëniet diplomatike me Iranin, pas një sulmi masiv kibernetik ndaj Tiranës zyrtare tregoi shumë për botën.

Kështu, të paktën, mendon James L. Jones, një ish-komandant i Trupave Detare Amerikane, ish-komandant suprem i aleatëve të Evropës dhe ish-këshilltar i presidentit për sigurinë kombëtare.

Lones, i cili tani është kryetar ekzekutiv i Këshillit Atlantik shprehet se nga vendi ballkanik ka shumë për t’u mësuar.

“Mësimet nga veprimet e Iranit dhe reagimi i guximshëm i Shqipërisë duhet të vihen re nga Shtetet e Bashkuara dhe komunitetin global”, thotë ai në një editorialin të tijin.

Ish-komandanti sjell në vëmendje goditjen fillestare të Iranit ndaj sistemeve qeveritare shqiptare.

“Pasi autorësia iraniane u vërtetua, kryeministri Edi Rama hodhi poshtë përpjekjet e praktikuara mirë të Iranit për të mohuar dhe shmangur përgjegjësinë”.

Për Lones, Rama ndërmori një veprim vendimtar për të shkëputur marrëdhëniet me qeverinë e iranit dhe për të dëbuar diplomatët nga Shqipëria.

“Ky veprim i guximshëm nuk mund të ishte një vendim i lehtë për një komb paqedashës. Por ishte historik”.

Sipas tij, përgjigja e Ramës dërgoi një mesazh të rëndësishëm për regjimin iranian: se brutalitetet e tij nuk do të tolerohen.

“Për më tepër, është një shembull për vendet e tjera në rajon – dhe në mbarë botën – të kërcënuara nga hakerimi iranian. Mbi të gjitha, ajo i tregoi komunitetit global vendosmërinë e nevojshme në trajtimin e sundimtarëve të Iranit dhe litanisë së tij të zemërimeve ndërkombëtare”.

Shqipëria ndërpreu marrëdhëniet diplomatike me Iranin dhe dëboi diplomatët e tij pasi e akuzoi për një sulm kibernetik.

Ajo mori mbështetjen e Shteteve të Bashkuara të Amerikës, por jo vetëm.

Sulmi i parë kibernetik ndodhi më 15 korrik, duke mbyllur përkohësisht shumë shërbime dhe faqe interneti digjitale të qeverisë shqiptare dhe ai i dyti më 9 shtator, kur u prek sistemi TIMS.

Kryeministri shqiptar Edi Rama tha në fillim të këtij muaji se vendi i tij vendosi nëpërmjet “provave të pamohueshme” se ishte një “agresion shtetëror” nga katër grupe të orkestruara nga Irani.

Qeveria shqiptare i dha zyrtarisht stafit të ambasadës iraniane në Tiranë, përfshirë personelin diplomatik dhe të sigurisë, 24 orë për t’u larguar nga vendi.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.