.png)
Disa tanke dhe një sërë makinerish të tjera ushtarake pritet të mbërrijnë dita-ditës në Portin e Durrësit. Ajo janë ngarkuar në një anije tregtare nga portet amerikane, por nuk do të qëndrojnë gjatë në Shqipëri. Mjetet ushtarake janë furnizimi i parë që vjen nga Uashingtoni për formimin e ushtrisë së Kosovës.
Edhe pse NATO dhe Bashkimi Europian kanë dalë kundër kësaj nisme, duke thënë se nuk është koha e duhur, SHBA-ja është kthyer në sponsorizuesen më të madhe të forcave të reja ushtarake të Prishtinës.
Ndërkohë që parlamenti i Kosovës pritet të votojë për transformimin e Forcave të Sigurisë, Uashingtoni deklaroi se mbështet plotësisht planet e Kosovës për të krijuar ushtrinë e saj. Në konferencën e tij të parë për shtyp, Ambasadori i ri Amerikan në Prishtinë u shpreh se Uashingtoni ishte pro formimit të ushtrisë së Kosovës, duke sinjalizuar një tjetër përplasje mes SHBA-se dhe NATO-s.
Që nga fundi i luftës së përgjakshme të viteve 1998-99, Kosova është mbrojtur nga trupat ndërkombëtare të udhëhequra nga NATO. Pas dhjetë viteve pavarësi, udhëheqësit politikë Kosovës duket se janë si rrallë herë në një mendje për të formimin e përpara forcave të armatosura ushtarake, pavarësisht reagimeve nga Beogradi dhe Brukseli.
Propozimi për transformimin e Forcave të Sigurisë së Kosovës (FSK) në një ushtri të rregullt do të paraqitet në parlament për votim më 14 dhjetor dhe të gjitha sinjalet thonë se do të kalojë.
Tani për tani, NATO po mban një qëndrim neutral ndaj të dyja palëve për të treguar vetëpërmbajtje. Sekretari i Përgjithshëm i NATO-s Jens Stoltenberg zhvilloi një bisedë telefonike me presidentin serb Aleksandar Vuçiç dhe kryeministrin e Kosovës Ramush Haradinai, duke u bërë thirrje të shmangin veprimet që do të krijonin tension.
Sipas shefit të aleancës Veri-Atlantike, kjo nuk koha nuk është e përshtatshme që Kosova të formojë ushtrinë e saj. Stoltenberg ka paralajmëruar madje se Prishtina mund të përballet me pasoja të rënda nëse vazhdon me transformimin e FSK-së në një ushtri.
Ndryshe nga NATO, e cila mban një qëndrim neutral për shkak të pikëpamjeve të ndryshme të shprehura brenda Aleancës, SHBA-ja nuk ka rezerva të tilla. Ambasadori i ri i SHBA në Kosovë, Phillip Kosnet e përshkroi transformimin e Forcave të Sigurisë së Kosovës (FSK) në një ushtri të rregullt si një hap pozitiv. "Është absolutisht e natyrshme që Kosova, si shtet sovran dhe i pavarur, të ketë një forcë të saj mbrojtjen ushtarake", tha ambasadori i ri i SHBA-së në Prishtinë.
Koshnet tha se ky ishte një lajm shumë i mirë edhe për komunitetin ndërkombëtar, duke deklaruar se Kosova tani mund të marrë pjesë në misionet paqeruajtëse ndërkombëtare, ushtarake. Ambasadori i SHBA-së vuri në dukje po ashtu se "Kosova vazhdon të mbetet një prioritet i lartë në listën e prioriteteve të politikës së jashtme të SHBA".
"Ne mendojmë se transformimi i FSK-së në forcat e armatosura të Kosovës është një hap pozitiv dhe se është e natyrshme që Kosova si shtet sovran dhe i pavarur të ketë aftësitë për t’u vëtëmbrojtur", tha kreu i diplomacisë amerikane në Kosovë.
Në konferencën e tij të parë për shtyp, Koshnet theksoi po ashtu se SHBA ka investuar para dhe trajnime në zhvillimin e forcave emergjente të Kosovës. Vlen të përmendet se oficerët ushtarakë amerikanë janë të përfshirë në mënyrë aktive në trajnimin e shqiptarëve të Kosovës për stafin e ushtrisë së sapo krijuar.
Por, siç duket, Bashkimi Europian ndan të njëjtin mendimin me zoti Stoltenberg. Zëdhënësja e BE Maja Kocijancic tha të enjten se transformimi i FSK-së duhet të ndryshojë vetëm në përputhje me kushtetutën e Kosovës.
"BE ndan të njëjtin pozicion me NATO-s se mandati i FSK-së duhet të ndryshojë vetëm përmes një procesi gjithëpërfshirës në përputhje me Kushtetutën", tha Kocijançiç.
Themelimi i një ushtrisë së Kosovës është pritur me mjaft shqetësim nga Beogradi, i cili ka deklaruar se ajo do të përbëjë një kërcënim për popullsinë serbe në Kosovë. Kryeministrja Ana Brnabiç nuk përjashtoi ndërhyrjen ushtarake të Serbisë nëse ushtria e re vendoset në pjesën veriore të Kosovës.
Serbia kërkoi madje edhe mbështetje nga Rusia dhe Kina në kundërshtimin e formimit të një ushtrie të Kosovës duke paralajmëruar se kjo mund të çonte në përplasje të reja në Ballkan.
Presidenti serb Aleksandar Vuçiç u takua me ambasadorët rusë, kinezë dhe amerikanë në Beograd të martën e kaluar, duke thënë se "provokimet e vazhdueshme" nga Kosova nuk i linin Serbisë zgjidhje tjetër përvese të "mbronte" pakicën serbe. Vuçiç tha se planet e Kosovës për të formuar një ushtri rrezikojnë paqen dhe stabilitetin në rajon.
"Sjellja e papërgjegjshme e Prishtinës mund të çojë në një katastrofë, sepse Serbia nuk mund ta shikojë paqësisht shkatërrimin e popullit serb", tha Vucic në një deklaratë.
Sipas tij, është "krejtësisht e qartë" se si formimi i ushtrisë dhe vendosja e tarifave ka për qëllim të "detyrojë serbët të qëndrojnë jashtë Kosovës.
Por një ndërhyrje e armatosur nga Serbia në Kosovë do të shkaktonte një përleshje të drejtpërdrejtë me paqeruajtësit e udhëhequr nga NATO-ja, përplasje që do të shkaktonte një ngjarje të paprecedentë për mbarë rajonin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
