.png)
Nga Gazeta ‘Si’– Presidenti kinez Xi Jinping paralajmëroi homologun amerikan Donald Trump se marrëdhëniet mes Kinës dhe Shteteve të Bashkuara mund të përshkallëzohen në konflikt nëse Uashingtoni nuk e trajton me kujdes çështjen e Tajvanit.
Sipas televizionit shtetëror kinez, Xi theksoi gjatë takimit me Trump në Pekin se Tajvani mbetet çështja më e ndjeshme në marrëdhëniet kino-amerikane.
Ai deklaroi se, nëse kjo temë menaxhohet siç duhet, raportet mes dy vendeve do të mbeten të qëndrueshme, por në të kundërt mund të sjellin përplasje dhe tensione serioze.
Paralajmërimi i presidentit kinez erdhi pas një takimi me dyer të mbyllura që zgjati rreth dy orë në Sallën e Madhe të Popullit në Pekin, ku dy liderët diskutuan për marrëdhëniet bilaterale, tregtinë dhe sigurinë rajonale.
Pas bisedimeve, Trump dhe Xi vizituan Tempullin historik të Qiellit, një nga monumentet më të rëndësishme kulturore të Kinës. Gjatë vizitës, presidenti amerikan u shpreh para mediave se “Kina është e bukur”.
Tempulli i Qiellit ka një simbolikë të veçantë në historinë diplomatike mes dy vendeve, pasi aty kishte qëndruar fshehurazi diplomati amerikan Henry Kissinger gjatë misionit të tij historik në vitin 1971, i cili hapi rrugën për normalizimin e marrëdhënieve mes Pekinit dhe Uashingtonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje