Nga Gazeta 'Si'- Një avion transportues ushtarak Il-76 është rrëzuar në rajonin Ivanovo të Rusisë.
Lajmin e ka bërë të ditur ministria ruse e Mbrojtjes për agjencitë shtetërore të lajmeve, ndërsa videot që qarkullojnë në platformën X tregojnë avionin, i cili rrëzohet në një zonë pyjore pak pasi një prej motorëve të tij shpërthen në flakë.
Ngjarja ka ndodhur rreth orës 13:00 me orën lokale, në rajonin që ndodhet në verilindje të Moskës.
#BREAKING:
— Open Source Intel (@Osint613) March 12, 2024
A Russian plane caught fire and reportedly crashed near Ivanovo airport, northeast of Moscow. An IL-76 transport plane of the Russian army was involved. Unofficial reports suggest that there were 12 people on board.
The Russians aren’t having the best day. pic.twitter.com/fypZAUp2Bo
Në bordin e avionit ndodheshin tetë anëtarë të ekuipazhit dhe shtatë pasagjerë.
TASS, duke cituar një zyrtar anonim të shërbimit të urgjencës, raportoi se të 15 personat në bordin e avionit besohet se kanë vdekur.
Rrëzimi i këtij avioni vjen disa javë pasi një aeroplan IL-76 që Moska pretendonte se mbante 65 të burgosur lufte ukrainas u rrëzua në një rajon rus në kufi me Ukrainën.
Ngjarja ndodhi në një ditë kur Ministria ruse e Mbrojtjes raportoi se Ukraina e sulmoi Rusinë me dronë dhe raketa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.