.png)
Nga Gazeta Si- Borusia Dortmund- Real Madrid është finalja e Champions League e këtij sezoni që do të luhet më 1 qershor në Wembley.
Në Madrid u luajt ndeshja e dytë gjysmëfinale e Champions League mes Realit të Madridit dhe Bayernit të Mynihut. Takimi i parë mes tyre në Mynih u mbyll në barazim 2-2 duke lënë gjithçka të hapur për këtë ndeshje kthimi.
Në minutën e 13-të ishte rasti më i mirë për të shënuar për madrilenët kur pas një keqkuptimi në fushë me dy topa përfitojnë vendasit dhe një goditje rrufe e Vinicius Jr përfundon në shtyllë pas devijimit të Neuer.
Në fakt portieri gjerman ka qenë heroi i bavarezëve edhe në raste të tjera në këtë 45 minutësh të dominuar nga Reali i Madridit ndërkohë që rastet e Bayernit kanë qenë disi më të pakta.
Edhe pjesa e dytë filloi dhe mbeti e njëjtë me një super Neuer që i shpëtoi në shumë raste deri në minutën 68 kur një kundërsulm i bavarezëve solli golin që zhbllokoi ndeshjen me autor Alfonso Devis.
Një minut më pas spanjollët barazojnë me një autogol, por një ndërhyrje e parregullt në zone, pas verifikimit nga sistemi VAR e anuloi atë gol. Kur gjithçka dukej se kishte mbaruar, të paktën nga gjermanët, spanjollët e realit ende nuk e kishin thënë fjalën e fundit. Brenda 3 minutave barazuan dhe kaluan në avantazh duke eliminuar kështu Bayernin e Mynihut i cili për rreth 20 minuta falë golit të parë të shënuar krijoi iluzionin e finales.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
