.png)
Gazeta Si - José Luis Sanmartin Mato, i njohur për të gjithë thjesht si Joselu, është qendërsulmuesi që përmbysi gjysmëfinalen e Champions League dhe rishkroi fatin e Real Madridit.
Një uragan që befasoi Bayern Munich me një dygolësh në minutat ‘88 dhe ‘92 - në tempullin e shenjtë të “Santiago Bernabeu” - dhe i dha “Los Blancos” dhe Carletto Ancelott-it një tjetër finale evropiane.
Dhe tani objektivi i madh, kundër Borussia Dortmundit në stadiumin mitik “Wembley” më 1 qershor, është fitimi i trofeut të 15-të, duke konfirmuar kombinimin Real Madrid/Champions League, i përballur nga historia në duart e “merengëve” që në vitet 1950.
Megjithatë, le të bëjmë një hap prapa dhe të përpiqemi të kuptojmë se kush është "l'hombre del partido" (Njeriu i ndeshjes).
Joselu zbarkoi në Madrid si i huazuar nga Espanyol (i zbritur një kategori më poshtë) për të zëvendësuar edhe Benzemanë, i cili tha lamtumirë, paketoi valixhet dhe u transferua në Arabinë Saudite, në kafazin e praruar të petro-dollarëve.
Megjithatë, në të njëjtën kohë, sulmuesi u detyrua t'i krijojë hapësirë vetes në një ekip që mund të mburret me futbollistë si Bellingham, Vinicius dhe Rodrygo (vetëm për të përmendur tre) dhe që nga sezoni i ardhshëm do të ketë gjithashtu Mbappé dhe fenomenin e ri brazilian në skuadër, Endrick.
Joselu, i cili është 34 vjeç dhe i lindur në Stuttgart të Gjermanisë, qëndroi në stol për 81 minuta në një tjetër natë evropiane në “Santiago Bernabeu”.
I dëshpëruar për gabimet e shokëve të skuadrës, për pritjet e Neuerit dhe për golin e parë të shënuar nga Davies. Me pak fjalë, një hap larg dështimit, Ancelotti u kthye nga stoli, e thirri dhe e hodhi në fushë.
Dhe ja, jeta e dytë e Joselu, një hero aksidental, pas një karriere si personazh mbështetës me një valixhe në dorë. Sulmuesi kishte luajtur kur ishte 21 vjeç për Real Madridin: një paraqitje dhe një gol në 2011-2012.
Më pas një lamtumirë për të kërkuar lavdinë mes Gjermanisë dhe Anglisë me Hoffenheim, Eintracht, Hannover, Stoke City dhe Newcastle.
Në vitin 2019, ai u kthye në Spanjë për të veshur fanellën e Alaves dhe Espanyol. Dhe e konfirmoi veten si një qendërsulmues i mirë: midis 2019-2023, ai shënoi mbi 50 gola në La Liga.
Mjaftuan për të merituar thirrjen e Real Madridit, i cili kërkonte një sulmues rezervë të aftë për t'u ulur në stol pa shkaktuar polemika dhe pa bërë kërkesa.
Dhe është pikërisht ai, qendërsulmuesi që eliminoi Bayern Munich. Një gjë, për të, si për të gjithë, e paimagjinueshme: “Nuk do ta kisha ëndërruar kurrë një natë si kjo. Po të flisja nga zemra, do të shpërthente tani. Isha në vendin e duhur dhe në kohën e duhur, shënova dy gola të rëndësishëm dhe tani jam në finale”, tha ai. Më 28 maj 2022, kur kishte veshur fanellën e Alaves, Joselu ishte në "Stade de France" në Paris.
In 2022, Joselu was in Paris supporting Real Madrid as a fan in the UCL final against Liverpool.
— ESPN FC (@ESPNFC) May 8, 2024
This season, he joined Real Madrid on loan from RCD Espanyol in Spain's second division and scored two goals in less than five minutes to send them through to the final.
Sports ❤️ pic.twitter.com/FnVMmFbsjh
Jo si lojtar, por si tifoz. Pse? Epo 34-vjeçari është gjithashtu një tifoz i madh i Real Madridit dhe me rastin e finales së fituar në Paris kundër Liverpool-it të Jurgen Klopp, ai ishte në tribunë duke brohoritur për një tjetër sukses të “Los Blancos”.
Tani ishte ai vetë që i dha udhëtimin në “Wembley” skuadrës së Ancelott-it. Për më tepër, Joselu është kunati i shokut të ekipit, Dani Carvajal: ata të dy janë të martuar me dy motra binjake.
Përkatësisht me Melanie Cañizares (në altar në vitin 2016) dhe Daphne Cañizares (në këtë rast të dy janë fejuar që nga viti 2018), të lindura në Mallorca, por me origjinë holandeze.
Dy futbollistët kanë qenë gjithmonë miq. Ata u takuan te Real Madridi në vitin 2010. Carvajal më pas u transferua te Bayer Leverkusen, ndërsa Joselu nënshkroi për Hoffenheim.
Mbrojtësi i krahut u rikthye një vit më vonë në Madrid (i menaxhuar nga Carlo Ancelotti), ndërsa Joselu, siç u tha, “brodhi” në disa klube europiane pak përpara se të kthehej në kryeqytetin spanjoll dhe të gjendej në vendin e duhur në kohën e duhur.
Me pak fjalë, Joselu nuk është shembulli i një lojtari shumë të talentuar që publiku kërkues i Real Madridit është mësuar ta shohë të luajë, por tifozët e vlerësuan menjëherë përkushtimin e tij në fushë në minutat kur Ancelotti e akrtivizoi.
Trajneri italian pothuajse gjithmonë ka aktivizuar Bellinghamin, i cili është mesfushor, në një pozicion sulmues, por me liri për të lëvizur në zona të shumta të fushës (ose "nëntë false", siç thonë në këto raste). Prandaj, Joselu niset shpesh si një rezervë, por arriti të shfrytëzonte mirë mundësitë e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
