Partia Demokratike ka reaguar për tenderin e fituar nga gruaja e ish-kryebashkiakut të Vorës, tender i dhënë nga Ministria e Brendshme.
Sekretari i Përgjithshëm i PD-së, Gazment Bardhi me anë të një postimi në rrjetet sociale bën thirrje që ky tender të anulohet.
Tenderi në fjalë është dhënë në kohën kur ish-kryebashkiaku Kajmaku ishte në arrati.
“Agim Kajmaku është rasti më flagrant i plaçkitjes së buxhetit nën mbrojtjen e Edi Ramës. Agim Kajmaku u arratis në nëntor2019, por Edi Rama i dha në janar 2020 tender 57 milionë lekë”, shkruan Bardhi.
Më tej, Bardhi akuzon Ramën që e mbron Kajmakun për të plaçkitur buxhetin e shtetit.
“Duke i dhënë miliona lekë një personi në arrati, që ai e emëroi kryebashkiak të Vorës dhe nuk guxoi ta shkarkonte, Edi Rama dëshmon, në mënyrë të përsëritur, se e vetmja gjë që di të bëjë është të plaçkisë paratë e shqiptarëve me ca kriminelë, oligarkë dhe të korruptuar.
Ky tender kriminal duhet anuluar! Paratë e shqiptarëve nuk mund t’i marrë një i arratisur që e ka vendin në burg!”, përfundon Bardhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.