.png)
Gazeta Si – Byroja Federale e Hetimit (FBI) dhe Agjencia për Sigurinë Kibernetike dhe Infrastrukturore (CISA) kanë publikuar një raport ku japin detaje mbi sulmet kibernetike ndaj Shqipërisë në korrik dhe shtator.
Sipas tyre, hakerët iranianë kanë pasur akses fillestar 14 muaj përpara se të kryenin sulmin kibernetik.
Gjatë kësaj periudhe ata kanë aksesuar dhe shfrytëzuar periodikisht përmbajtjen e postës elektronike.
LEXO EDHE:
– Irani kryen aktivitet përçarës të motivuar politikisht kundër organizatave qeveritare shqiptare
– Sulmi kibernetik në Shqipëri, DASH sanksionon Iranin. Blinken: Nuk do të ketë tolerime
– Sulmi kibernetik në Shqipëri, Google: U krye nga Irani
“Në Korrik 2022, aktorët kibernetikë shtetërorë iranianë, të identifikuar si “HomeLand Justice”, nisën një sulm kibernetik shkatërrues kundër qeverisë së Shqipërisë, i cili i bëri faqet e internetit dhe shërbimeve të padisponueshme. Një hetim i FBI-së tregon se aktorët kibernetikë shtetërorë iranianë patën akses fillestar në rrjetin e viktimës afërsisht 14 muaj përpara se të fillonin sulmin shkatërrues kibernetik, i cili përfshinte një kodues skedari të llojit ‘ransomëare’ dhe një ‘malëare’ që fshinte disqet. Aktorët mbajtën akses të vazhdueshëm në rrjet për afërsisht një vit, duke aksesuar dhe shfrytëzuar periodikisht përmbajtjen e postës elektronike”, thuhet në raportin e FBI.
Përgjatë periudhës Maj-Qershor 2022, hakerat iranianë kanë kërkuar që të zbulojnë informacione të ndryshme dhe të vjedhin kredencialet nga rrjetet e qeverisë shqiptare.
Në korrik, ata kanë lëshuar “ransomëare” në rrjete duke lënë një mesazh anti-MEK në desktop.
“Kur mbrojtësit e rrjetit identifikuan dhe filluan t’i përgjigjen aktivitetit të ransomëare, aktorët kibernetikë vendosën një version të malëare shkatërrues ZeroCleare”, thuhet në raport.
Sipas FBI-së dhe CISA-s, në Qershor 2022 Homeland Justice ka krijuar një ëebsite dhe disa profile të ndryshme në rrjete sociale duke postuar mesazhe anti-MEK.
Më 18 Korrik, HomeLand Justice merr përgjegjësinë për sulmet kibernetike në infrastrukturën e qeverisë shqiptare.
Më 23 korrik, ata postuan një video të sulmit kibernetik në ëebsite-n e tyre. Nga fundit i Korrikut deri nga mesi i gushtit, në llogaritë sociale të lidhura me HomeLand Justice është reklamuar informacion i qeverisë shqiptare gati për t’u shpërndarë dhe u kërkohet të anketuarve të zgjidhnin informacionin e qeverisë që do të publikohej nga HomeLand Justice.
Në shtator 2022, aktorët kibernetikë iranianë kanë nisur një tjetër valë sulmesh kibernetike kundër qeverisë së Shqipërisë, duke përdorur të njëjtin malëare si sulmet kibernetike në Korrik.
Raporti shton se sulmet vijuan me siguri si shenjë hakmarrjeje për ndërprerjen e marrëdhënieve diplomatike të Shqipërisë me Republikën Islamike të Iranit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
