Në Shëngjin po mbahet dita e dytë e mbledhjes informale të qeverisë.
Pas analizës së punës, dita e sotme përmbledh konkluzionet e takimit dyditor me mbi 70 funksionarë.
Ditën e djeshme kryeministri Edi Rama kërkoi më shumë angazhim veçanërisht në jetën parlamentare, që përmbledh komisionet dhe seancat plenare.
Diskutimi në pjesën për angazhimin e grupit parlamentar të PS në Kuvend është fokusuar në: Seancat plenare të zhvilluara, sa interpelanca dhe projektligje janë depozituar në Kuvend, takimet e ministrave me deputetët, sa diskutime ka pasur nëpër komisione për Buxhetin dhe Paketën Fiskale, performanca e deputetëve në debate publike, diskutime në seanca e komisione dhe prezenca e tyre në zonat elektorale si dhe vijimësia e jetës parlamentare pas incidenteve dhe bllokimit të opozitës.
Në takim është folur edhe për ligje që kërkojnë shumicë të cilësuar që do të kërkojë domosdoshmërisht konsensusin nga një pjesë e opozitës.
Rama përjashtoi gjithashtu zgjedhjet e parakohshme dhe kërkoi më shumë punë në bazë.
Në mesditë Rama do të mbledhë ministrat në një takim të ngushtë lidhur me sfidat e këtij viti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.