Pse Trump po përpiqet të bllokojë botimin e librit të Boltonit

“Dhoma ku ndodhi”, një libër i shkruar nga ish-këshilltari i Sigurisë Kombëtare, John Bolton, do të dalë në Shtetet e Bashkuara javën e ardhshme. Një nga zyrtarët më me ndikim republikan në administratën e presidentit Trump, Bolton ishte shkarkuar në shtator 2019. Vëllimi, i cili doli vetëm 9 muaj pas lamtumirës së Boltonit në Shtëpinë e Bardhë, tashmë është në krye të renditjes së bestsellerëve të Amazonës. Administrata Trump, e cila akuzon ish-këshilltarin e saj për gënjeshtra, i është drejtuar gjykatës që të kërkojë që dalja e librit të bllokohet. Libri, me titull “Dhoma ku ndodhi: Një kujtim i Shtëpisë së Bardhë” do të jetë nëpër librari nga 23 qershori.

Nga çfarë frikësohet Donald Trump

Libri zbulon se Donald Trump do të kishte kërkuar nga presidenti kinez, Xi Jinping që ta ndihmonte të fitonte rizgjedhjen dhe e inkurajoi atë të ndërtojë kampe përqendrimi për Ujgurët, pakica myslimane në Kinë. Këto janë disa nga zbulimet shpërthyese të ish-këshilltarit të Sigurisë Kombëtare, John Bolton, në librin “Dhoma ku ndodhi: Një kujtim i Shtëpisë së Bardhë”, që do të jetë në librari nga 23 qershori.

Intervista me presidentin kinez

Trump “i kërkoi presidentit kinez, Xi Jinping, ta ndihmonte për të fituar zgjedhjet e vitit 2020 në SHBA”, shkruan Bolton. Dhe “gjatë një darke verën e vitit të kaluar, ai i shpjegoi Xi se rritja e blerjeve të produkteve bujqësore amerikane në Pekin do të përmirësonte perspektivat e tij elektorale”. Kjo intervistë do të zhvillohej në margjinat e G20 në Japoni në qershor 2019. Pasi të dëgjonte motivimin e Xi për ndërtimin e kampeve të përqendrimit për Ujgurët, Trump do të tregonte mirëkuptim deri në pikën e nxitjes së kolegut të tij për të ecur përpara me këtë politikë të internimit, duke e konsideruar atë “gjënë e duhur për të bërë”. Ndërsa lufta e tarifave po vazhdonte, Trump do t’i kishte thënë Xi që do ta konsideronte atë “udhëheqësin më të madh kinez të 300 viteve të fundit”.

Pushtimi i Venezuelës

Bolton, duke denoncuar “padijen befasuese” të Trumpit në politikën e jashtme, thotë se presidenti do të dëshironte të pushtonte Venezuelën (ai do ta quante këtë hipotezë “të ftohtë” ose “shumë të ftohtë”).

CD-ja e Elton John-it për Kim Jong

Qiramarrësi i Shtëpisë së Bardhë do të ishte fiksuar me idenë për t’i dhënë Kim Jongun një CD të autorizuar nga Elton John të “Rocket Man”, si një shenjë dashurie për diktatorin e Koresë së Veriut.

Fjalia për gazetarët

Ndërsa për gazetarët, të cilët ai asnjëherë nuk e ka fshehur që i shqetëson, Trump raportohet se i tha Boltonit se ata duhet të dënohen me vdekje ose të hidhen në burg për shkak të emrit të burimeve të tyre.

Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do të mbajë përgjegjësi sipas nenit 179 të Ligjit 35/2016.