.png)
Qarkullon një fjalë e urtë popullore: “shkoi për të vënë vetullat e nxorri sytë”. Me këtë fjali mund të përshkruhet shkurtimisht përpjekje e pazakontë e Kongresit amerikan për t’i kërkuar llogari Google se përse në seksionin e imazheve të tij shfaqej Presidenti Donald Trump në momentin që në motorin e kërkimit vendosje fjalën ‘Idiot’.
“Tani nëse kërkoj me fjalën idiot tek Google Images, në njërin prej imazheve më shfaqet fotografia e Donald Trump. Dua të di si funksionon motori i kërkimit”, iu drejtua kongresistja Zoe Lofgren drejtorit ekzekutiv të Google, Sundar Pichai.
Ky i fundit i sqaroi se motori i kërkimit bazohej në disa kritere dhe mes tyre ishte edhe ai se ccfarë nënkuptonin më së shumti përdoruesit e tij me fjalën “Idiot”.
Me shpresën se sqarimi i Google do të shkëpuste lidhjen mes Donald Trump dhe fjalës “idiot” në motorin e kërkimit, seanca dëgjimore e Sundar Pichait u mbyll. Por, efekti që prodhoi ishte krejtësisht i kundërt. Nëse sot kërkon në Google Images me fjalën idiot, pjesa më e madhe e fotove që dalin automatikisht në krye janë të Presidentit amerikan dhe e gjitha kjo falë lajmit që qarkulloi pas kësaj seance.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
