Pse fondet e investimit po dynden drejt kriptomonedhave

Fondet e investimit duket se po planifikojnë të rrisin ndjeshëm ekspozimin e tyre ndaj kriptomonedhave në pesë vitet e ardhshme, sipas një studimi të fundit nga administratori i fondit global, Intertrust.

Raporti, botuar për herë të parë në Financial Times, anketoi 100 fonde investimi dhe zbuloi se ata planifikojnë të mbajnë mesatarisht 7.2% të aseteve të tyre në kriptovaluta deri në vitin 2026 - me 17% të fondeve që planifikojnë të mbajnë më shumë se 10%.

Fondet e investimit të Amerikës së Veriut janë më aventureske: ato planifikojnë një ekspozim mesatar prej 10.6%; Fondet me bazë në Mbretërinë e Bashkuar dhe ata europiane thonë se do të mbajnë rreth 6.8%. Por të gjitha fondet mbrojtëse, pavarësisht nga vendndodhja e tyre, presin që të paktën të kenë 1% të portofoleve të tyre në kripto. Kjo mund të shtojë pasuri prej rreth 312 miliardë dollarë, vlerëson Intertrust, duke përdorur të dhëna nga ofruesi alternativ i të dhënave të financave, Preqin.

Asetet nën menaxhim (AUM) u rritën nga 2 në 3.8 mijë trilionë dollarë midis 2019 dhe 2020, vlerëson raporti vjetor vjetori "Global Crypto Hedge Fund Report 2021" botuar në fillim të këtij viti nga PwC, një rrjet shumëkombësh i disa firmave.

Kjo tendencë pritet të përshpejtohet pasi katër nga pesë fondet e investimit kripto të menaxhuara në mënyrë aktive u nisën midis 2017 dhe 2020.

Pse fondet e investimit po dynden në kriptomonedha?

Ndërsa alokimet aktuale të këtyre fondeve nuk dihen, ajo që është e qartë është se edhe para se këto zbulime të botoheshin, ato gjithnjë e më shumë po shtyheshin drejt kriptomonedhave për të rritur kthimet.

Motivimi më i zakonshëm i fondeve për të investuar në monedha digjitale ishte thjesht "diversifikimi i përgjithshëm", sipas PwC, me 57% të fondeve të anketuara duke përmendur diversifikimin si një arsye për të blerë kripto.

Një faktor tjetër ishte fakti se thonë që fondet e investimit i shohin kriptovalutat si një "strehë e sigurt" në kohë inflacioni dhe rendimentesh të ulëta, tema këto që kanë tronditur tregjet në muajt e fundit.

Fondet gjithashtu ka të ngjarë të kenë dashur të përfitojnë nga “tërbimi” që ka përfshirë tregun e kriptove në muajt e fundit. Në të vërtetë, bitcoin përbënte pjesën më të madhe të fitimeve në SkyBridge Capital, një fond mbrojtës amerikan i themeluar nga Anthony Scaramucci, ish-drejtori i komunikimit i Shtëpisë së Bardhë.

Ndërsa bitcoin dhe tregu i gjerë i kriptove kanë qenë disi të trazuara në javët e fundit, tregu ishte në zhvillim e sipër për disa muaj më parë, për shkak të adoptimit më të lartë të zakonshëm nga titanët e mëdhenj të Wall Street dhe deklaratave nga Elon Musk i Tesla.

Sidoqoftë, një seri shqetësimesh rregullatore dhe kthesash nga Musk e ka çuar bitcoin-in nga mbi 64,000 dollarë në rreth 40,000 dollarë brenda vetëm dy muajsh. Por brenda vitit bitcoin është rritur më shumë se 400%.

Çfarë do të thotë kjo për investitorët?

Fondet e investimit që fokusohen në kriptovaluta nuk është saktësisht një gjë e re, por ajo që është interesante është shuma me të cilën pritet të rritet alokimi i tyre për kriptot.

Interesi më i madh prej tyre nuk do të thotë domosdoshmërisht që perspektiva për kriptovalutat është rozë.

Siç vëren PwC, fondet e investimit që duan të investojnë në monedha digjitale ende përballen me shumë sfida. Këto përfshijnë rrezikun e klientit / reputacionit; pasiguria rregullatore; disponueshmëria e ofruesit të shërbimit aktual dhe mungesa e infrastrukturës.

Shumë vende po provojnë monedhat digjitale të bankës qendrore (CBDC) të cilat promovojnë krejt të kundërtën e kriptomonedhave. Ata nuk ka gjasa të dëshirojnë konkurrencë, kështu që çdo pengesë e re nga rregullatorët ende mund të dërgojë kriptovaluta në rënie.

Komiteti i Bazelit hodhi idenë se bankat që mbajnë kriptomonedha do të përballen me kërkesat më të rrepta të kapitalit, gjë që shkaktoi luhatje të çmimeve të bitcoin.

Kështu që, pjesëmarrja e fondeve të investimit në sektorin e kriptos mund të ofrojë disa kthesa në treg, por derisa tregu të mos piqet dhe të mos rritë qëndrueshmërinë ndaj goditjeve dhe surprizave të përditshme, ai mbetet ende një pasuri shumë spekulative.

Burimi: Money Week/Përshtati Gazeta “SI”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.