Pse duhet të bëni nxemjen përpara se të filloni jogën dhe mënyra më e mirë për ta bërë atë

Pavarësisht nëse bëni joga rregullisht apo bëni vetëm ndonjëherë për të çliruar tensionin muskulor, të gjithë e dimë tashmë se praktikimi i jogas sjell një sërë benefitesh.
Por ndërsa mund të shihet si diçka e thjeshtë dhe qetësuese, ju duhet të keni parasysh të mos e teproni dhe mos të mundoheni të bëni më shumë se trupi juaj jua lejon.
Mund të duket e çuditshme, por joga me muskuj të ftohtë dhe të ngurtë bën më shumë dëm sesa mirë.

"Nëse keni qëndruar ulur në tryezën tuaj për shtatë orë ose sapo jeni ngritur nga shtrati pas një gjumi të gjatë natën, trupi juaj nuk është plotësisht i përgatitur për lëvizje", thotë mësuesja e jogës, Minnie Samengo.
Në mënyrë që ta përgatisni atë, duhet të rrisni gradualisht rrahjet e zemrës dhe qarkullimin për të çliruar nyjet dhe për të ngrohur muskujt për shtrirjen optimale dhe parandalimin e lëndimeve.
Refleksi i shtrirjes së trupit tuaj është një mjet me të vërtetë i dobishëm. Ai kontrakton muskujt kur shtriheni shumë larg, në mënyrë që t’i bëjë sinjal trupit që të ndalojë. Joga kur muskujt janë të ftohtë ose të tensionuar do të prekë sistemin nervor dhe automatikisht aktivizon refleksin e shtrirjes, ndërsa të qenit i ngrohtë dhe përgatitja e sistemit nervor për stërvitje çaktivizon atë refleks të shtrirjes. "Shkurt, nëse u 'kërkoni' muskujve tuaj të punojnë në një gjendje të tensionuar, ato nuk do të shtrihen aq larg, do të jenë më të dobët dhe joga nuk do të funksionojë", shpjegon Minnie.
Më e rëndësishmja është se, duke i bërë muskujt të ngrohtë para shtrirjes është gjithashtu thelbësore sepse "sa më të ftohtë të jenë muskujt tuaj kur i shtrini ato, aq më e ulët është ngarkesa e nevojshme në mënyrë që ata të shtrihen", shpjegon Minnie, që në thelb do të thotë që ju mund ti bëni dëm trupit tuaj.
Pavarësisht nëse shtriheni si pjesë e një seance nxemje, klase joge ose seance të fleksibilitetit, nxemja është thelbësore. Atëherë, si e bën këtë?
"Nëse jeni duke shkuar në një klasë, provoni të ecni për të shkuar.
Në shtëpi, provoni të ngjitni shkallët ose vraponi në vend.” thotë Minnie.
Pastaj duhet të bëni pesë minuta lëvizje dinamike që do të tërheqin muskujt që do të përdorni gjatë praktikës tuaj. Shtrirja dinamike është e ndryshme nga shtrirja e ngadaltë që mund të bëni në një seancë joga me të cilën mbani një qëndrim për një kohë të gjatë. Në vend të kësaj, "ka të bëjë me lëvizje të përsëritura atje ku nyjet dhe muskujt tuaj kalojnë nëpër një gamë të plotë të lëvizjes", thotë Minnie.
Kur lëvizni nëpër qëndrime dinamike, përqendrohuni në muskujt kryesorë që do të 'përdorë' seanca juaj e shtrirjes. Për shembull, nëse vraponi, punoni në ijet tuaja.
Kështu që, ndërsa bëni joga pas një dite të gjatë pune, është një ide e mirë, por sigurohuni që të bëni nxemjen.
"Ju duhet të siguroheni që trupi është gati para se të filloni jogan dhe të dëmtoheni në vend se të qetësoheni." thotë Minnie.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.