Studiuesit në Universitetin Rush në Çikago kanë krijuar një protokoll ushqimor të quajtur MIND, që me pak fjalë do të thotë ndërhyrje mesdhetare, me qëllim forcimin e trurit, por mbi të gjitha të parandalojë avancimin e sëmundjeve neurologjike kronike më të frikshme, siç është Alzheimer.
Dieta MIND (e shpikur në 2015, por e zbatuar me kërkime rigoroze me kalimin e kohës) është përzierje e dietës mesdhetare (kryesisht me bazë bimore)
Por cilat janë konkretisht ushqimet e mira për trurin?
“Janë ato të pasura me antioksidantë, polifenole, acide yndyrore të pangopura, vitamina B, vitaminë E”, sqarojnë specialistët.
Dhe si është e strukturuar dieta MIND? Favorizon frutat e stinës, perimet, bishtajoret (kryesisht fasulet, farat, arrat, vajin e ullirit ekstra të virgjër dhe drithërat, peshkun, pulën, shumë pak mish të kuq, shumë pak djathë dhe një limit të madh në të gjitha ushqimet e përpunuara"
Plani ushqimor i përshkruar në këtë mënyrë nuk ndryshon shumë nga dieta mesdhetare, siç u përmend më lart, dhe nga ajo që secili duhet të vendosë në tryezë për të qenë të shëndetshëm.
Plani i vaktit
Cilat janë aspektet e veçanta të kësaj diete?
Perimet me gjethe jeshile dhe të errëta: duhet të konsumoni një pjesë të tyre çdo ditë (lakër, zarzavate rrepa, barishte, spinaq, sallata jeshile) sepse janë burim i acidit folik (shumë i rëndësishëm për funksionin e trurit);
fruta të kuqe (si mjedra, boronica, rrush pa fara): duhet të konsumohen të paktën 5 herë në javë;
drithërat integrale: shërbejini tre porcione në ditë; arra të thata: të paktën 5 herë në javë;
fasulet: në katër vakte në javë;
peshk: të paktën një herë në javë
pulë: dy herë në javë.
Me kalimin e kohës ka rëndësi edhe stili i jetesës
“Kjo lloj diete nuk duhet të kuptohet si një dietë për humbje peshe që duhet braktisur pasi të arrihet rezultati – komentojnë studiuesit, por duhet të adoptohet si stil jetese të të ushqyerit me kalimin e kohës”.
Ushqyerja luan shumë rol, por le të kujtojmë se nuk mjafton vetëm ajo për të luftuar rënien e memories. Voliten edhe mënyra të tjera të jetesës së shëndetshme gjithashtu thelbësore për memorien, siç është ushtrimi i aktivitetit fizik (veçanërisht aerobik, të paktën tre herë në javë nga 40 minuta).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.