‘Prindërimi helikopter’, pse duhet të hiqni dorë nga kontrolli i plotë mbi fëmijët tuaj?

Nga Gazeta ‘Si’- Prindërit që duan të kenë kontroll të plotë mbi fëmijët e tyre duhet të ndryshojnë strategji prindërimi sa më parë. Kjo sepse, të tillë fëmijë kanë shanse të artikulojnë sjellje negative dhe të mos dinë të përballen me problemet që dalin gjatë rrugës.

Studiuesit e Universitetit të Minnesota-s e kanë quajtur këtë sjellje si “prindërimi helikopter”.

Pra, ndoshta duhet të mendoni për llojin e personit që dëshironi që fëmija juaj të jetë një ditë dhe të zgjidhni një qasje prindërore që mund t'i ndihmojë ata të rriten në të rinj të vendosur, të ndërgjegjshëm dhe të sjellshëm.

Sipas psikoterapistëve, kjo mënyrë prindërimi duket ndryshe në familje të caktuara, por përgjithësisht ka disa mënyra për ta kuptuar:

- Përfshirje e tepërt në jetën e fëmijës: Nga jeta e përditshme, tek aktivitetet shkollore dhe sociale, këta prindër e fusin veten në çdo situatë.

- Mbikëqyrje konstante: Prindërit e vëzhgojnë jetën e fëmijës pothuajse në çdo moment.

- Mbrojtje e tepërt: Ata përpiqen të vendosin veten si mburojë për fëmijën dhe situatat me të cilat përballet ai.

- Kontroll në vendimmarrje: Këta prindër i marrin vetë vendimet për fëmijët.

Po a duhet të ndiqet kjo metodë prindërimi?

Psikologët theksojnë se këta prindër kanë përgjithësisht marrëdhënie të mira me fëmijët, por mënyra sesi e kontrollojnë jetën e tyre, duke vënë në dukje këtu edhe mbrojtjen e tepruar, mund të kthehet lehtësisht në dëm për fëmijën.

“Këta fëmijë mund të rriten duke u mësuar me rehatinë e të gjeturit çdo gjë gati në çdo kuptim. Ata mund të mos zhvillojnë aftësinë e vendimmarrjes. Po ashtu, ata do të kenë sens shumë të ulët pavarësie”, shprehet Gina Song, mjeke.

Më tej, theksohet se këta fëmijë kanë vështirësi të marrin vendime dhe të kenë iniciativa për jetën e tyre, ndaj psikologët sugjerojnë që prindërit të njihen me disa metoda prindërimi dhe të marrin cilësitë e secilës për të gjetur balancën e duhur.

Pasojat negative të prindërimit afatgjatë helikopter mund të jenë po aq të dëmshme, sa ata nuk janë në gjendje të menaxhojnë aspekte të jetës së tyre pa mbështetjen e prindërve. Pra, ndoshta duhet të mendoni për llojin e personit që dëshironi që fëmija juaj të jetë një ditë dhe të zgjidhni një qasje prindërore që mund t'i ndihmojë ata të rriten në të rinj të vendosur, të ndërgjegjshëm dhe të sjellshëm.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.