Keshilla

Prindër, mbroni foshnjat nga ushqimet me sheqer

Sheqeri në ushqimin e foshnjave duhet të kufizohet dhe prindërit duhet t’u japin atyre më pak perime të përpunuara për të ndaluar zhvillimin e disa sëmundjeve, thotë një raport nga ekspertët e shëndetit të fëmijëve.

Raporti paralajmëron se jo vetëm ushqimi që u japim foshnjave përmban sasi të lartë sheqeri, por edhe mjalti ose lëngu i frutave duhet t’u jepen në sasi të moderuar për shkak të sasisë së sheqerit që ato përmbajnë.

Prindërit duhet të ofrojnë fëmijëve edhe ushqime që nuk përmbajnë fare sheqe, rekomandon Kolegji Mbretëror i Pediatrisë dhe Shëndetit të Fëmijës. Kjo do t’i mbrojë ata nga prishja e dhëmbëve, dhe mbipesha. Gjithashtu ky raport ka edhe disa rekomandime se si prindërit duhet të ruajnë shëndetin e fëmijëve të tyre, ndaj është shumë e domosdoshme që të kenë kujdes në sasinë e ushqimeve me sheqer që u japin.

Zvogëlimi i obezitetit të fëmijëve është një prioritet kyç në të gjitha pjesët e Britanisë së Madhe, me Anglinë dhe Skoci që angazhohen për të përgjysmuar normat deri në vitin 2030.

Synimi është që të kufizojnë ushqimet me sasi të lartë sheqeri dhe yndyre pas futjes së taksës mbi pije me sheqer në Angli në 2018. Raporti thotë se qeveria duhet të vendosë kufizime të detyrueshme për sasinë e sheqerit të lirë në ushqimet e fëmijës.
Shumë prej tyre mund të përmbajnë nivele të larta të sheqerit të shtuar nga prodhuesi, gjithashtu sheqeri është i pranishëm në shurup dhe në lëngun e frutave, edhe pse etiketat mund të shkruajnë diçka tjetër, thuhet në raport. Raporti thotë se foshnjat nuk duhet t’u jepen pije me sheqer. Në vend të kësaj, ata duhet ta marrin sheqerin në formë natyrale, si përshembull nga frutat e freskëta, ose produktet e qumështit.

Profesoreshë Mary Fewtrell, udhëheqës i të ushqyerit për Kolegjin Mbretëror të Pediatrisë dhe Shëndetit të Fëmijës, tha se produktet për foshnjat shpesh përmbanin një përqindje të lartë të frutave ose perimeve të shijshme. “Ushqimet e paketuara të pastërta ose të lëngshme të foshnjave gjithashtu kanë një densitet të lartë të energjisë dhe një përqindje të lartë të sheqerit”, tha ajo. Të gjitha sheqernat kanë të njëjtat efekte mbi dhëmbët dhe metabolizmin”.

‘Brokoli dhe spinaqi’
Ajo tha se foshnjat kishin një preferencë për shijet e ëmbla, por prindërit nuk duhet ta përforcojnë këtë. “Foshnjat janë shumë të gatshëm të provojnë shije të ndryshme, nëse atyre u jepet mundësia”, – tha Prof Fewtrell, – dhe është e rëndësishme që të njihen me shije të ndryshme, duke përfshirë ushqime më të hidhura si brokoli dhe spinaq, një moshë të vogël.” Profesoreshë Fewtrell tha gjithashtu se prindërit duhet të edukohen për ndikimin e sheqerit. “Sheqeri i tepërt është një nga shkaqet kryesore të prishjes së dhëmbëve, dhe që prek gati një të katërtën (23%) të pesëvjeçarëve”. Ajo shtoi gjithashtu se sheqeri i tepërt çon fëmijët në mbipeshë.

Komiteti Këshillimor Shkencor për Ushqimin rekomandon që fëmijët mbi dy vjeç nuk duhet të marrin më shumë se 5% sheqer të konsumimit ditor. Rezultatet nga Studimi Kombëtar i Ushqimit dhe të Ushqyerit sugjerojnë se konsumimi mesatar ditor për fëmijët në mes të një dhe një e gjysmë dhe tre vjet është 11.3% – më shumë se dyfishi i shumës së rekomanduar.

 

Më Shumë