Për muaj me radhë, njerëzit kanë pasur gjithmonë me vete një dezinfektant të cilin e përdorim kudo, në çdo moment.
Nuk ka dyshim se dezinfektantët janë një mënyrë efikase për të ndihmuar në uljet e mundësive të infektimit nga Covid-19 por prapë ka disa gjëra që njerëzit nuk i dinë dhe madje mund të jenë duke i përdorur gabim.
Keneth C. Rondello, epidemiolog dhe pedagog në Fakultetin e Mjekësisë në Universitetin Adelphi në Nju Jork tregon disa nga gabimet që pothuajse të gjithë po i bëjmë me dezinfektantët.
Si fillim po përdor mbase të gabuarin
Jo të gjithë dezinfektantët janë njësoj. Rekomandohet të përdorni atë me 60% alkool etilik pasi ai ka më shumë mundësi të vrasë mikrobet. Duhet të tregoni shumë kujdes dhe të lexoni udhëzimet.
Nuk po i lyen duart mjaftueshëm me të
Të njëjtën gjë që bëni me larjen e duarve duhet ta bëni dhe me dezinfektantin. Nëse duart duhet të lahen për 20 sekonda, e njëjta kohë duhet dhe kur lyeni duart me dezinfektant.
Po hedh shumë pak
Duke mos përdorur aq sa duhet dezinfektant ju mund të mos jeni duke i vrarë të gjitha mikrobet. Duhet të përdoret një sasi e konsiderueshme dezinfektanti.
Nuk po e bëni çdo cep të duarve me dezinfektant
Çdo cep të duarve që mund të mos bëni me dezinfektant mund të ketë mikrobe dhe në këtë rast bëhet i panevojshëm pastrimi i duarve.
Nuk po i dezinfekton duart para bukës
Mund ti keni dezinfektuar duart kur keni hyrë në shtëpi por a i dezinfektoni kur hani bukë?
Nuk keni kujdes kur i afroheni zjarrit
Njerëzit duhet ta dinë se përmbajtja e lartë e alkoolit mund të shkaktojë zjarr në duar në momentin që i keni dezinfektuar kështu që përpiquni të mos ndizni çakmakun apo shkrepësen të paktën 30 minuta mbasi dezinfektoni duart.
E hidhni mbi duar dezinfektantin kur i keni shumë pis
Nëse duart tuaja janë pis shumë, dezinfektanti nuk bën punë pasi është e pamundur të prekë cdo pjesë të duarve tuaja. Duhet patjetër ti lani ato para me ujë dhe sapun.
Nuk e lejoni të thahet
Mos i fshini duart kur i bëni me dëzinfektant. Duhet të lejoni atë të thahet vetë pasi do kohën e tij që të veprojë tek mikrobet.
Po e aplikoni më shumë seç duhet
Shumë dezinfektant nuk vret më shumë mikrobe sesa në një sasi normale. Madje shumë dezinfektant mund të dëmtojë duart dhe lëkurën tuaj. Dezinfektanti nuk vret vetëm mikrobet e këqija por edhe ato të dobishmit.
Po e bëni vetë
Mos bëni vetë dezinfektantë sado që mund të mendoni se janë njësoj. Është e thjeshtë të krijoni një dezinfektant por nuk ju siguron asnjëri se është efikas.
Nuk e dezinfektoni çdo gjë
Ju mund të dezinfektoni duart tuaja por jo telefonin apo kartën e kreditit. Në një situatë të tillë, asgjë nuk ju siguron se mikrobet apo virusi janë larguar nga ju.
Nuk i kontrolloni datën e skandencës
Edhe dezinfektantët kanë një datë skadence dhe në momentin që ajo kalon, dezinfektanti e humb efektin dhe bëhet e kotë të vazhdosh ta përdorësh.
Burimi: Huffington Post. Përktheu: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.