Plani për të eliminuar në SHBA të mërguarit kundër regjimit, Irani punëson dy ‘Hells Angels’ si vrasës

Gazeta Si - Dy anëtarë të bandës “Canadian Hells Angels” për të vrarë të mërguarit iranianë në Shtetet e Bashkuara të Amerikës: plani u organizua nga një trafikant droge që ka bashkëpunuar prej kohësh me inteligjencën e Teheranit.

Çështja doli nga dokumentet e publikuara nga Departamenti Amerikan i Drejtësisë në një kohë tensioni të madh në Lindjen e Mesme.

Sipas prokurorisë, Damion Ryan, 43 vjeç dhe Adam Pearson, 29 vjeç, u rekrutuan për të kryer një vrasje në Maryland, për të eliminuar një burrë dhe një grua që kishin ikur nga Irani për t'u strehuar në territorin amerikan.

Një operacion, i cili megjithatë nuk u realizua dhe çoi në arrestimin e tyre. Në periudhën 2020-2021, vrasësit kanë qenë në kontakt me një figurë të njohur në botën krimit, Naji Sharifi Zindashti, me lidhje të ngushta në aparatin e sigurisë së Republikës Islamike.

Duke përdorur sistemin e koduar të aplikacionit “Sky ECC”, "ndërmjetësuesi" foli me dy kanadezët, duke dhënë udhëzime dhe duke diskutuar detajet e misionit.

“Duhet t’ia heqim kokën nga qafa... jam gati t’i zbraz gjysmë karikatori”, kanë thënë “motoçiklistët” në shkëmbimet e mesazheve.

Mediat amerikane raportojnë se ata ishin gati për çdo gjë, me një ekip prej të paktën 4 bashkëpunëtorësh.

Në këmbim do të merrnin 370 mijë dollarë, nga të cilat njëzet mijë nevojiteshin për të mbuluar kostot logjistike.

Profili i Ryan-it është interesant. Pjesë e "seksionit" grek të “Hells”-ave, ai u zhvendos në bregun perëndimor kanadez, më pas në Otava dhe vende të tjera, ku fitoi para përmes aktiviteteve të paligjshme, përfshirë tregun e zi të armëve.

Për policinë, ai ishte edhe pjesë e “Wolfpack”, një organizatë që bashkon grupet kriminale të përfshira në trafikun e drogës.

Përvoja e thellë, rekordi, miqësitë i kanë sjellë atij marrëdhënie transnacionale, lidhje, mjete të dobishme për të kryer detyra të çdo lloji.

Një e kaluar dhe e tashme perfekte për ata që duhet të veprojnë pa pasur nevojë të rrezikojnë elementët e tyre.

Dhe kështu, ai u zgjodh nga Zindashti, nga ana e tij i punësuar - përsëri sipas dokumenteve zyrtare - nga Irani, në një aleancë biznesi të vlerësuar nga Ajatollahët.

Në fakt, atë e presin dhe e mbrojnë, një mbrojtje që shoqëron një jetë të shënuar me arrestime dhe lirime në Turqi pavarësisht dyshimeve.

Për autoritetet amerikane, Zindashti është përfshirë në manovra klandestine, në mënyrë të përsëritur ndër vite. Një vrasje në Dubai, ku dyshohet për eliminimin e një tekniku iranian IT në Stamboll dhe kundërshtarë të tjerë.

Zindashtit i faturohet rrëmbimi përsëri në Turqi në vitin 2020, i Habib Chaab: i droguar dhe i transferuar në Iran, që besohet të jetë planifikuesi i një sulmi në një paradë.

Ai varet në vitin 2023 i dënuar nga gjykata. Këto janë vetëm disa nga episodet ku objektivat ishin kundërshtarët e regjimit, zakonisht me banim jashtë vendit, të joshur në gracka, duke përdorur karremin e dukshëm, nga gratë tek përfitimet e lehta.

Hetimi është fragmenti i fundit i një fotografie gjigante të mbyllur nga një kornizë e përcaktuar. Teherani, për të larguar dyshimet nga veprimet kriminale në Perëndim, ka punësuar kriminelë të zakonshëm.

Së pari kundër të mërguarve, - një episod i bujshëm në Holandë me vdekjen e dhunshme të liderit të pakicës arabe, - më pas në projektet e operacioneve anti-izraelite.

Në Greqi dhe Qipro, sulmet u parandaluan, ku sulmuesit ishin të huaj, nga pakistanezët, e deri te shtetasit e Kaukazit, njerëz joprofesionalë dhe për rrjedhojë të përdorur si “koka turku”.

Përshtati: Gazeta “Si”