Ne rrjet

Përgjimi i tretë në Maqedoni: Zaev garanci për lirimin e biznesmenit të korruptuar

Skandalit të madh që ka mbërthyer sistemin e drejtësisë në Maqedoninë e Veriut nuk i ka shpëtuar as vetë kryeministri Zoran Zaev, e cili është akuzuar tanimë se ka bashkëpunuar me Prokurore Speciale Katica Janeva për të shpëtuar nga burgu një biznesmen të njohur.

Në video-përgjimin e tretë të publikuar mëngjesin e sotëm nga e përditshmja italiane “La Verita” dëgjohet një bisedë mes biznesmenin Orce Kamçev, mik i afërt i Nikolla Gruveksi, me një nga të dyshuarit që i ka dhënë çantat me para për ta mbyllur hetimin e nisur kundër tij, Bojan Jovanovski, i njohur Boki 13. Ky i fundit mburret për miqësinë e tij me kryeministrin Zaev dhe i tregon fotot me të në televizionin e tij.

Boki i siguron biznesmenit mbështetjen e kryeministrit maqedonas, duke thënë se ai nuk do të kundërshtojë në asnjë mënyrë vendimin e marrë nga Prokuroria. Ai thotë ndër të tjera se po ashtu e ka takuar Zaevin personalisht ato ditë që është bërë dhe regjistrimi i videos.

Në audiopërgjim tregohet sesi Bojan Jovanovski, Jordan Kamcev dhe Katica Janeva, të cilët si duket tashmë janë në komunikim të vazhdueshëm, janë në dijeni si do të shkojë e gjithë procedura për çështjen “Perandoria” në të cilën biznesmeni Kamçev është një nga të dyshuarit e parë.

Në bisedë dëgjohet prokurorja speciale Katica Janeva që i thotë Kamçevit se Lile Stefanova, prokurore në çështjen “Perandoria”, është në kontrollin e saj. “Jam shumë e zënë për ta mbajtur atë nën kontroll rregullisht. Përndryshe, asgjë nuk mund të ndodhë pa mua” i thotë prokurorja special Katica Janeva, biznesmenit Jordan (Orce) Kamçev.

Bojan Jovanovski thotë se Kamçev ka frikë nga Stefanova. Kuptohet mirë që prokuroria duhet të ketë ndërmarrë ndonjë veprim për këtë rast në prill, kështu që janë thirrur disa dëshmitarë, për të cilët Kamçev ka shprehur shqetësim.

Por pasi biseduan me Janevën ata e kuptojnë se është një çështje teknike, një make-up.
Gazetari italian përmend edhe njohjen e Bokit 13 me kryeministrin Zoran Zaev dhe në audiopërgjim, Boki 13 i konfirmon Kamçevit se do t’i “njollosë” sytë.

“Boki 13, përveç koordinimit me shefen e PSP-së, Katica Janeva, ishte gjithashtu në koordinim dhe me Kryeministrin e Maqedonisë Zoran Zaev”, shkruan gazeta italiane “La Verita”.

Përpara videos që implikonte Zaev, kjo gazeta ka publikuar ditën e djeshme një tjetër përgjim ku Kamçev dëgjohet duke folur me Boki 13.

Ky i fundit i kërkon shpjegim pse paratë janë me kartëmonedha 50 eurosh dhe jo më shumë, duke shprehur dyshimin se mos bëhet fjalë për ndonjë mashtrim, por Kamçev përgjigjet se në bankë nuk ka mundur të gjejë bankënota më të mëdha.

Gjatë bisedës Boki- Kamçev dëgjohet edhe një zë gruaje, e cila i thotë biznesmenit: “mos u shqetëso, çdo gjë do të jetë në rregull!”. Ky zë duket të jetë i gruas që u vendos nga Bashkimi Europian për të vënë prapa hekurave të gjithë elitën e korruptuar të Maqedonisë së Veriut, Prokurores speciale Katica Janeva.

 

Më Shumë