Mbikalimi i rrugës së aeroportit të Kukësit ka përfunduar. Lajmin e bën të ditur kryeministri Edi Rama, i cili ka publikuar edhe pamjet e filmuara me dron në llogarinë e tij në Facebook.
Kreu i qeverisë shprehet se tashmë është çdo gjë gati për flukset që, sipas tij, do të sjellë së shpejti “programi i fluturimeve të kontraktuara.” Të premten në aeroportin e Kukësit u ul aeroplani i parë i kompanisë loë cost “WizzAir”.
Kjo kompani njoftoi se fillimisht do të nisë fluturimet nga aeroporti i Kukësit drejt destinacioneve Gjermani, Austri dhe Zvicër.
Ndërsa kryeministri Rama bëri të ditur se po punohet që të vendoset edhe linja Kukës-Londër.
Rama është zotuar se brenda këtij mandati aeroporti i Kukësit do të jetë një pikë referimi jo vetëm për zonën, por edhe më tej, duke e cilësuar si epokë të re.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.